橫濱日本料理 (已結業)

有时候食刺身就好似试紧肠胃到底有几好，平时无事无干，一试便知身体好。我唔会话刺身变坏，只系唔够新鲜，距离变坏或者仲有好大距离。食落口发现无味，鱼原来可以无鱼味，𡁻来𡁻去，终于食得出系雪藏味，佢完全提醒左我刺身系未经处理的尸体，甚有禅味。同样，鸡翼完全无鸡味，就算洒2粒盐上去都未至于无味啦。真系唔好笑d节目演员讲，鸡有鸡味，鱼有鱼味，原来要做到呢个份上，都唔容易架。串烧，天妇罗好hea，我想可能系我味觉唔够好，食唔出咩味道，又或者有人想训练自己的超级味蕾，不失为一个实战地方。落单, 唔齐, 唔足料, 间间都系咁架啦, 预左,无计, 我向来支持地区餐厅, 当食过呢间之后，我感觉到其他餐厅更加需要我既支持，失陪先。