影片
更多
2009-07-13
114 浏览
12-7-2009晚饭由阿爸拍板, 一行 5 人 (又)嚟到呢间叫𩠌食饭店. 试了几款新嘢 / 未食过的, 再写一篇食评俾佢吧.话梅猪手 (属「前菜」): 原来系热食的... 个汁有点稀, 味道酸多过甜, 亦真系有粒粒话梅的; 猪手就唔够腍, 瘦肉直程硬硬实实的, 唔喜欢.「私房炖汤」系白菜猪肺汤, 味道清甜住家, 汤渣 (猪肺, 瘦肉, 白菜, 金华火腿, 瑶柱 etc) 丰富居功不少. 猪肺有点「㶶」的痕迹 (水份「煎」干而唔系「啤」?), 煲得软熟, 食完一件又一件呢. 脆皮蒜香鸡: 每次必叫 #1, 皮脆, 肉嫩, 不过蒜粒只得油溢味, 无蒜味的.上汤花胶浸翠玉瓜: 汤底浓甜, 比「私房炖汤」更对胃口 翠玉瓜爽脆清甜, 都几好食的.蒜蓉蒸蟹 (蛋白炒饭底): 每次必叫 #2, 味道同上次 (即系边次: http://www.openrice.com/restaurant/commentdetail.htm?commentid=1985772) 一模一样, 唔重复了.贵妃酱炒蛏子皇: 每次必叫 #3, 贵妃酱一样少辣大甜, 蛏子亦一样新鲜, 不过「太有咬口」,
晚饭由阿爸拍板, 一行 5 人 (又)嚟到呢间叫𩠌食饭店. 试了几款新嘢 / 未食过的, 再写一篇食评俾佢吧.
话梅猪手 (属「前菜」): 原来系热食的... 个汁有点稀, 味道酸多过甜, 亦真系有粒粒话梅的; 猪手就唔够腍, 瘦肉直程硬硬实实的, 唔喜欢.
「私房炖汤」系白菜猪肺汤, 味道清甜住家, 汤渣 (猪肺, 瘦肉, 白菜, 金华火腿, 瑶柱 etc) 丰富居功不少. 猪肺有点「㶶」的痕迹 (水份「煎」干而唔系「啤」?), 煲得软熟, 食完一件又一件呢.
脆皮蒜香鸡: 每次必叫 #1, 皮脆, 肉嫩, 不过蒜粒只得油溢味, 无蒜味的.
上汤花胶浸翠玉瓜: 汤底浓甜, 比「私房炖汤」更对胃口 翠玉瓜爽脆清甜, 都几好食的.
蒜蓉蒸蟹 (蛋白炒饭底): 每次必叫 #2, 味道同上次 (即系边次: http://www.openrice.com/restaurant/commentdetail.htm?commentid=1985772) 一模一样, 唔重复了.
贵妃酱炒蛏子皇: 每次必叫 #3, 贵妃酱一样少辣大甜, 蛏子亦一样新鲜, 不过「太有咬口」, 有点硬 (!?).
砵酒桶蚝: 呢个就真系得个样... 桶蚝只只肥大滑溜, 面头带酱汁的甜味及酒香, 但咬落无喱味道, 似食紧豆腐多 d, 百分百得个样!
八宝茶 (属「甜品」): 材料有龙井, 菊花, 红枣, 杞子, 圆肉 etc, 清甜润喉又消滞, 正
无试芒果布甸及姗姗来迟的蛋白杏仁茶, 但据闻前者「好滑」, 后者阿妈就好欣赏, 应该唔错吧.
招呼一样好, 环境亦一样干净企理, 楼下好多人, 好在店方安排的门口位可坐 7 人, 我哋 5 个坐得好松动.
埋单每人约 $270, 唔平, 但去馥苑都差不多呢个价钱, 呢度食物亦比𠮶边好得多, 应该会继续帮衬的.
不过好食还好食, 几款新嘢 / 未食过的其实只「味道 3 分」, 今次俾 OK 面啦.
张贴
