影片
更多
2024-06-02
91 浏览
如标题，所有野都差，嬲到要第一次写食评见装修唔错，谂住试下新餐厅门口无人安排，又无机禁飞，等咗一阵先有人理我哋，入到去就系抌低咗个QR code就走咗自己用手机点完餐，先发现原来收每人$10茶位，揾侍应确认左，收得人茶钱，至少比两只杯呀，枱面有一壶系上一手用完嘅茶壶，表面劲多油！第一次攞过嚟嘅杯，杯底部疑似有茶渍，叫第二个侍应换过第二只杯，杯底部又有块疑似菜叶，用纸巾抹抹成张纸巾啡色！好恐怖！心有不甘，你收我10蚊一个茶位我冇理由唔饮茶啫，就问佢会唔会有普通透明嘅水杯，佢话冇水杯㖞！好嘢，一间餐厅连一只水杯都冇！之后就攞咗两只热饮杯俾我，但其中一只都仲系污糟！放弃，两个人用同一个茶杯算！食物未到，第一印象已经好差叫了两个船面，一个猪肉一个牛肉，猪肉系肥到5分4都系肥膏，佢俾人拣走配料，我走猪肝结果仍然有猪肝！我叫小辣，但一啲辣都食唔到！香茅青木瓜沙律，系成旧生嘅椰菜摆喺碟度，你自己搣开嚟食！未食过啲咁dry嘅青木瓜沙律，极少木瓜丝，又冇汁无剩！重点：啲侍应系全部靓仔靓妹，个个唔想做咁款，叫佢哋做任何嘢都系黑口黑面！毫无反应，但自己围内倾偈就好开心叫埋单，等咗劲耐先嚟！埋单过程一粒声都冇
见装修唔错，谂住试下新餐厅
门口无人安排，又无机禁飞，等咗一阵先有人理我哋，入到去就系抌低咗个QR code就走咗
自己用手机点完餐，先发现原来收每人$10茶位，揾侍应确认左，收得人茶钱，至少比两只杯呀，枱面有一壶系上一手用完嘅茶壶，表面劲多油！
第一次攞过嚟嘅杯，杯底部疑似有茶渍，叫第二个侍应换过第二只杯，杯底部又有块疑似菜叶，用纸巾抹抹成张纸巾啡色！好恐怖！心有不甘，你收我10蚊一个茶位我冇理由唔饮茶啫，就问佢会唔会有普通透明嘅水杯，佢话冇水杯㖞！好嘢，一间餐厅连一只水杯都冇！之后就攞咗两只热饮杯俾我，但其中一只都仲系污糟！放弃，两个人用同一个茶杯算！
食物未到，第一印象已经好差
叫了两个船面，一个猪肉一个牛肉，猪肉系肥到5分4都系肥膏，佢俾人拣走配料，我走猪肝结果仍然有猪肝！我叫小辣，但一啲辣都食唔到！
香茅青木瓜沙律，系成旧生嘅椰菜摆喺碟度，你自己搣开嚟食！未食过啲咁dry嘅青木瓜沙律，极少木瓜丝，又冇汁无剩！
重点：啲侍应系全部靓仔靓妹，个个唔想做咁款，叫佢哋做任何嘢都系黑口黑面！毫无反应，但自己围内倾偈就好开心
叫埋单，等咗劲耐先嚟！埋单过程一粒声都冇出过，冇讲多谢都算，亦唔会问请问边位埋单，好似掉张单喺枱面咁，但枱面啲碗碗碟碟食完系完全冇人收枱面劲多嘢！有两个船面兜两杯饮品两个茶杯仲有一壶茶，但枱面劲细
我比张单老公对，唔小心倒泻杯饮剩嘅龙眼冰，埋单位侍应亦不情不愿咁攞纸巾俾我，全程亦都系一粒声都冇出过，将叠纸巾掉喺枱面
对于呢间新开嘅餐厅，我嘅评价系差到不得了！老板可唔可以睇吓自己餐厅啲员工嘅恶劣工作态度，否则食客只会食完一次冇回头，等执笠啦，一粒星都比多你，质素极差，但价钱又唔系平
张贴