遊園

营业中

休息中

今日我又黎试芫茜菜式啦！铺头位于柯士甸站戏曲中心二楼。疫情期间一直无咩演出活动，都唔系咁易揾。入到去，你会感叹佢装修用心至极，所用既物料都系仿古典中国式设计。正如佢店名“游园”一样，店内散发住浓浓既中国风，食客仿佛置身于中式庭园之中。佢有一道招牌菜芫茜汤底牛丸拉面，大家一定要试下。上菜速度唔算快，等咗十五分钟左右，一份热辣辣，汤底“原谅色”既芫茜拉面就摆上台面啦。汤底非常浓郁，芫茜味并无想象中浓，应该系以鸡汤做底，再加入一些打碎既芫茜酱制成，味道非常鲜甜。面上堆满了新鲜的芫茜，配上爆汁牛肉丸~芫茜控非常满足。买单72蚊，唔收加一，算系良心店铺啦。