影片
更多
2024-04-07
37 浏览
同大少去科学馆玩之前，就当然食埋个午餐先。行经加连威老道就俾门口嘅《千与千寻》无脸男吸引住，然后再望下个menu见都好似唔错好，所以就入去食个丰富Lunch啦！门口位置除左有无脸男坐阵之外，旁边仲有樱花树装饰，同埋满满日系色彩嘅灯笼，真系未食嘢就已经可以大量打卡位。沿楼梯上去就系用餐位置，除了有普通座位之外，仲有啲需要除鞋才可以坐嘅榻榻米座位，完完全全系日本居酒屋感觉。 午餐定食都有好多选择，除左之外，仲有串烧、石锅饭、丼饭…等等，而每定食仲包三文鱼、茶碗蒸、沙律、前菜、，真系相当丰富。一人一份定食，真系睇见到已经觉好吸引啦！大少就叫左一份安格斯肉眼寿喜烧定食，肉眼大大片得嚟佢嘅量数都多(大约都有六/七片左右啦)，佢嘅肉质软腍之余仲好厚物，配上蛋浆一齐食香滑可口。而寿喜烧汤浓郁得嚟味道啱啱好，所以锅内嘅蔬菜吸晒啲精华，变得更加好味。我就叫左份特选杂锦定食配冷稻庭乌冬，杂锦就有带子、油甘鱼、三文鱼腩、拖罗、甜虾，每款都有两件而且厚切，入口都食得出佢嘅新鲜同水准。冰镇嘅稻庭乌冬都系另一亮点，加埋个冷面汁一齐食，非常爽口弹牙。除左主食之外，仲有面豉汤、椰菜丝芝麻酱沙律、鲜甜蟹肉茶碗蒸、三文鱼
门口位置除左有无脸男坐阵之外，旁边仲有樱花树装饰，同埋满满日系色彩嘅灯笼，真系未食嘢就已经可以大量打卡位。沿楼梯上去就系用餐位置，除了有普通座位之外，仲有啲需要除鞋才可以坐嘅榻榻米座位，完完全全系日本居酒屋感觉。
午餐定食都有好多选择，除左之外，仲有串烧、石锅饭、丼饭…等等，而每定食仲包三文鱼、茶碗蒸、沙律、前菜、，真系相当丰富。
一人一份定食，真系睇见到已经觉好吸引啦！
大少就叫左一份安格斯肉眼寿喜烧定食，肉眼大大片得嚟佢嘅量数都多(大约都有六/七片左右啦)，佢嘅肉质软腍之余仲好厚物，配上蛋浆一齐食香滑可口。而寿喜烧汤浓郁得嚟味道啱啱好，所以锅内嘅蔬菜吸晒啲精华，变得更加好味。
我就叫左份特选杂锦定食配冷稻庭乌冬，杂锦就有带子、油甘鱼、三文鱼腩、拖罗、甜虾，每款都有两件而且厚切，入口都食得出佢嘅新鲜同水准。冰镇嘅稻庭乌冬都系另一亮点，加埋个冷面汁一齐食，非常爽口弹牙。
除左主食之外，仲有面豉汤、椰菜丝芝麻酱沙律、鲜甜蟹肉茶碗蒸、三文鱼、腌牛舌前菜同埋蕨饼，完全系超级丰富呀！
张贴
