影片
更多
2024-07-28
6567 浏览
任食火锅又多咗一个选择。位于尖沙咀嘅家嫂一家大细火锅放题，可以满足你三个愿望，打卡、鸡煲同埋任食边炉。舖头主打冇限时任食火锅。同过朋友和同过同屋企人嚟食，其实食物质素唔差，选择好丰富。而且冇限时，最早五点入座可以食到10点，好适合同朋友聚会倾偈。 订座五位或以上就会有刺身船，第一次食嘅时候，真系觉得好震撼。成张枱咁长嘅海鲜船，要两个人先抬到出嚟，上面有各种刺身同海鲜，按人头分配。刺身基本上食过几次，质素都好稳定。会有唔同嘅时令海鲜，每次都有新意。一开始入座嘅时候会有数款小食提供，虾多士同埋红糖糍粑就系我嘅最爱。小食食得差唔多，就可以叫店员上刺身。刺身只有一转，冇得refill，食完刺身就会上鸡煲。鸡煲可以拣辣度，但未算好吸引，味道中规中矩，如果细食嘅朋友建议可以省略鸡煲嘅环节，直接上火锅。火锅有唔同嘅汤底选择，第一次食建议拣花胶鸡汤锅。汤底浓郁，会有黏口嘅感觉，用嚟打边炉都好夹。店员会先上一盘海鲜、蔬菜盘、饺子手打丸拼盘同埋炸鱼皮枝竹。海鲜种类繁多，鲍鱼、虾、贵妃蚌、鱿鱼、蚝、珊瑚蚌等等…… 所有枱上嘅食物都可以任意refill。而夜晚7:30后，更加可以Order蟹。肉类方便，都有提
订座五位或以上就会有刺身船，第一次食嘅时候，真系觉得好震撼。成张枱咁长嘅海鲜船，要两个人先抬到出嚟，上面有各种刺身同海鲜，按人头分配。刺身基本上食过几次，质素都好稳定。会有唔同嘅时令海鲜，每次都有新意。
一开始入座嘅时候会有数款小食提供，虾多士同埋红糖糍粑就系我嘅最爱。小食食得差唔多，就可以叫店员上刺身。刺身只有一转，冇得refill，食完刺身就会上鸡煲。鸡煲可以拣辣度，但未算好吸引，味道中规中矩，如果细食嘅朋友建议可以省略鸡煲嘅环节，直接上火锅。
火锅有唔同嘅汤底选择，第一次食建议拣花胶鸡汤锅。汤底浓郁，会有黏口嘅感觉，用嚟打边炉都好夹。店员会先上一盘海鲜、蔬菜盘、饺子手打丸拼盘同埋炸鱼皮枝竹。海鲜种类繁多，鲍鱼、虾、贵妃蚌、鱿鱼、蚝、珊瑚蚌等等…… 所有枱上嘅食物都可以任意refill。而夜晚7:30后，更加可以Order蟹。肉类方便，都有提供猪肉肥牛，但只系普通货仔。讲真食物选择其实好多，而海鲜嘅质素都算稳定。要挑剔嘅可能系蚝系冰鲜蚝，有时会解冻得唔好/唔新鲜。
同埋夜晚会有姐姐推住一辆酒车拜访每一台，可以免费饮红白酒同埋日本清酒，都几得意，钟意饮酒嘅朋友唔好错过。
而喺饮品方面，店家都好有心思，有唔同嘅自家手摇饮品，除咗有果茶之外，更有竹蔗茅根和洛神花茶等，任君选择。甜品有两三款雪条，可以浅尝。
总括而言，家嫂环境坐得舒服，不限时，任饮任食，食物种类繁多，价钱可接受。推荐比钟意食海鲜嘅朋友，而且冇限时唔怕俾人赶，同朋友聚会唔洗谂下场。但如果打边炉系钟意食牛肉猪肉嘅朋友就唔多适合啦。
张贴
