漁火海鮮刺身火鍋

营业中

休息中

今日嚟到铜锣湾京都广场呢一边，之前朋友推介呢一间火锅，佢哋都非常推介，话服务质素好好同埋食物嘅种类非常多，今日就订咗位同朋友决定过嚟试吓！🔥花胶响螺炖赤肉，我哋拖咪就拣咗呢一个花胶汤，店员叫我哋先饮咗汤之后再帮我哋加汤打边炉，汤底非常浓郁，而且真材实料绝对冇任何味精嘅成份，我同朋友都起码饮咗三碗！非常高质素啊呢一个汤真系！饮完汤仲有花胶食呢一个价钱嚟讲亦都唔系好贵！🔥特色四式丸，打边炉点少得叫餐厅自家制嘅丸，个人嚟讲非常钟意食佢嘅墨鱼丸，非常爽口弹牙，牛肉丸亦都非常香浓嘅味道，加埋佢嘅汤底非常夹，整体四种我都好钟意🔥即炸松脆响铃，响铃热辣辣非常新鲜，加埋佢先甜嘅汤底，简直系冇得输，响铃嘅份量亦都好多，脆身非常好食，钟意食嘅朋友真系绝对唔可以错过！🔥本地手切牛颈脊，呢一个都系今餐饭嘅重头戏，牛颈脊切得非常厚身，卖相亦都非常靓仔。佢本身嘅油花非常平均绝对唔会好似肥牛咁，而且佢嘅口感亦都非常好食，绝对系高级嘅牛肉，呢一个牛肉绝对令我哋非常有惊喜，我同朋友都非常钟意食，牛肉亦都非常鲜味，咬落去亦都唔会有好鞋嘅口感！🔥炸鱼片头，我哋另外叫咗个小食，可以放汤又得直接食都得，再加埋餐厅提供嘅泰式辣酱