影片
更多
2019-02-24
74 浏览
天气又冻返，又系打边炉好时机！屯门友推介哩度，因有位泊车。其实系泊街，不过夜晚冇人抄牌。呢度有D隐敝，唔系有识途老马推介，唔系谂到。亦因为哩餐食得好味食得开心，要为大家推介下。坐好老板略略推介，有火锅，有鸡煲，有烤肉。原来咁多选择。不过来之前已打算食火锅，所以都系食火㶽。要了一碟冷拌青瓜。个酱辣辣地，好开胃。用来点火锅食物一流。卜卜蚬鱼汤汤底。蚬好新鲜，已吐哂沙。食落好之鲜甜。汤底仲有豆腐，娃娃菜，粟米同菇。牛肉永远都系火锅主脚。本地牛脊肉，够新鲜脂肪及牛比例好。又够牛肉味又唔"鞋"。比起美国肥牛，我中意哩只。海虾极新鲜，真情仲系生的。肉质十分弹牙，配合鱼汤汤底，好有海鲜味！推介！墨鱼滑有惊喜。一般食过𠮶D系打到好胶。哩度可能打完再混返D墨鱼粒粒。所以食落又弹牙又有咬口，墨鱼味同质都有！鲜鱼卜(即系鱼标)，好鲜。只要你烚到刚刚好，你食落会索索声，好咬口又有鲜味。响铃系新鲜炸的。净食好酥脆。放汤要快起，我中意一半冧一半脆，一半索咗鲜汤味一半香酥，然后一齐系口腔中融合而散发出多层次的美味和口感。哩度的薯粉好特别，好长好阔。食时好Q Q好弹牙。佢好大份下，食完好饱。建议最后先食。炸鱼皮亦不错
屯门友推介哩度，因有位泊车。其实系泊街，不过夜晚冇人抄牌。呢度有D隐敝，唔系有识途老马推介，唔系谂到。亦因为哩餐食得好味食得开心，要为大家推介下。
坐好老板略略推介，有火锅，有鸡煲，有烤肉。原来咁多选择。不过来之前已打算食火锅，所以都系食火㶽。
要了一碟冷拌青瓜。个酱辣辣地，好开胃。用来点火锅食物一流。
卜卜蚬鱼汤汤底。蚬好新鲜，已吐哂沙。食落好之鲜甜。汤底仲有豆腐，娃娃菜，粟米同菇。
牛肉永远都系火锅主脚。本地牛脊肉，够新鲜脂肪及牛比例好。又够牛肉味又唔"鞋"。比起美国肥牛，我中意哩只。
海虾极新鲜，真情仲系生的。肉质十分弹牙，配合鱼汤汤底，好有海鲜味！推介！
墨鱼滑有惊喜。一般食过𠮶D系打到好胶。哩度可能打完再混返D墨鱼粒粒。所以食落又弹牙又有咬口，墨鱼味同质都有！
鲜鱼卜(即系鱼标)，好鲜。只要你烚到刚刚好，你食落会索索声，好咬口又有鲜味。
响铃系新鲜炸的。净食好酥脆。放汤要快起，我中意一半冧一半脆，一半索咗鲜汤味一半香酥，然后一齐系口腔中融合而散发出多层次的美味和口感。
哩度的薯粉好特别，好长好阔。食时好Q Q好弹牙。佢好大份下，食完好饱。建议最后先食。
炸鱼皮亦不错，脆，好脆。净食同放汤快起都好！
鹅肠好肥美。好大碟，好抵！
其他仲食咗韮菜食饺，云吞，生菜，西洋菜，乌冬等。乌冬同我食开的「真打」乌冬一样。生菜当然新鲜，连用来垫鲜虾上碟的那一片也很新鲜！
大排档招呼服务亦十分好，仲特别整个风挡，等D火旺D，汤滚D。亚姐老板同食客好有交流好friend. 成个场好有气氛！打边火炉气氛系好紧要的！
临走经过隔离枱，闻到佢个鸡煲好香！下次要试下！
张贴
