五匠六釜

营业中

休息中

今日约咗朋友去airside食晚饭，好彩早咗入去，唔使等位。因为之前见到有人食北京填鸭，就想试下，所以今日必叫。- 北京填鸭 (半只)卖相都几好，不过唔系全部都系鸭皮，系皮连肉，冇咁油腻。夹埋饼皮，配菜一齐食，好正。饼皮会好快冻咗，一定要快食。- 黄金南瓜好多咸蛋黄酱，包实南瓜，外脆内软，又有流沙既口感。- 避风塘大虾有少少辣，镬气十足，好惹味。啲虾新鲜弹牙，外壳炸到香脆，可以连壳一齐食。食咗太多重口味野，所以一人叫咗一杯鸭屎香柠檬茶，味道清香，中和下啲味道。小菜味道好好，份量足，不过2个人share食，真系饱到有啲辛苦，下次要约多几个人一齐食。有啲位冷气太大，坐坐下会冻，同埋食物冻得好快。