金沙角大牌檔 (已搬遷) 新店位置

踩完车终点系大围，搭了两个马铁站落o黎食，可能大家都去了长洲抢包山关系，竟然冇乜人，换转一般的星期六、日，都几难虚。因为除了我之外，仲有两位老友都钟意食生炒骨，避免大家争食，索性生炒肉、咕噜肉各一碟，最后两碟都没有分别，因为每碟里面有骨亦有肉，可能分开落单情况会好D。大排档当然够镬气，所以两碟都做得算有水准，可惜食到最后时，有几旧骨(肉)有少许油"益"味。煎蚝饼-这个比尚兴好好多，起码唔会湿、唔会腍，是脆脆的，唯一唔好就是蚝仔唔多。墨鱼脆脆波-外层脆、中间爽口弹牙，而第三层有略溶的芝士，一啖咬下去感觉几得意，芝士味几浓，除了已过了墨鱼味外，食了一整粒后都好溜。姜葱鱼云煲-虽然用姜葱整法，决少了姜葱的香味，但胜在热辣辣。鸡、羊串烧各半打-终于揾到间烧得好食的鸡肉，虽然系急冻肉鸡，最起码唔会烧得干"争争"，好似食鸡肉干。羊肉串有羊膻味，不过咬落好腍，感觉怪怪得。蒜蓉炒苋菜-有一段酒楼炒菜的问题，就是多油。6个人加埋啤酒、汽水都系$310，真系抵。食饭时我老友见到有两三只「鼠辈」横行，其实系大排档食饭都预o左。