The Platter (悦品度假酒店‧屯門)

营业中

休息中

同男朋友去左屯门食semi buffet🍽️，酒店邻近地铁站，十分方便！餐厅以火车为设计主题，系车厢中用餐，感觉几得意，整体环境气氛服务都唔错。拣完main就可以出去拎野食野饮！平时钟意食既冷盘，有冻虾、青口、翡翠螺，我几中意冻虾，够哂鲜甜。另外仲有薯仔沙律、冷面、通粉等。热汤有蕃茄忌廉汤同埋青红萝卜猪骨汤，我都饮左两碗，几入味。波斯顿龙虾配香槟忌廉汁及芝士 $408龙虾上铺满芝士，焗到金黄色，外貌非常吸引！龙虾肉质结实、爽口弹牙，仲有满满既虾膏，令味道升华。海盐烤美国安格斯肉眼配红酒汁 $308肉眼扒我地叫作五成熟，油花丰富，牛肉味道浓郁，保持肉汁。我几中意个红酒汁，提升整体层次。最后留肚食甜品，雪糕、 蛋挞、蛋糕仔、朱古力喷泉等等，食到好饱好满足呀。