不二江湖菜

营业中

休息中

今日行过呢条食街，见到呢间食四川野嘅，睇睇餐牌唔算太贵，所以入去试吓。口水鸡呢款凉菜都几大碟，叫咗小辣唔算太辣，鸡肉都好嫩滑，d口水汁都几惹味。干锅肥肠d肥肠洗得好干净，一d肥膏都冇，所以食多咗都唔会好邪恶，肥肠炸到有少少脆嘅口感，连埋d配菜一齐食，劲好味。不二酸菜鱼上枱果时劲大盘，份量好多，都几抵，入面有大量鱼片，鱼片食落好嫩滑，完全冇骨，个酸汤都几鲜味，唔会太酸，入面仲有好多配菜，如莴笋，粗薯粉，酸菜，吸晒d味道，劲正。鸭屎香柠檬茶咸柠乐酸甜味道适中，酸酸甜甜好开胃，够晒解渴而咸柠乐，都好解辣，食辣野一定唔少得有汽饮品。