影片
更多
2025-02-18
0 浏览
今晚同老细收工后嚟到福佬村道呢间「瀛锅」，门面唔算豪华但坐得舒服。店员话楼上有包房～衬冇乜人上去八下先～有大房有细房，有一间仲可以打通开party～又真系几骨子㖞！🍲坐低点个瑶柱白肺汤润一润先～店员提醒汤底嚟到一定要先饮碗汤暖一暖胃～果然足料，除咗瑶柱同猪肺，仲有鸡脚，大大煲，啲汤甜到呢～🥰😋如果要双拼都系加$10咋！开炉前先嗌个刺身拼盘（细）热一热身：三文鱼厚切肥美、北寄贝爽脆、希灵鱼好鬼鲜甜、纹甲鱿鱼卷咬落仲有「卜卜、吱吱」声！🐟最惊喜系平时少见嘅新鲜鱼鳔，用筷子夹住喺汤底游走廿零秒，入口劲鲜甜，爽弹程度爆炸级！老细话呢味我啲fd实要encore多份先够喉～🥟饺子拼盘绝对系诚意之作，四款各有fans：水饺皇包到半只拳头咁大粒，鱼皮饺烟韧得嚟唔会粉，韭菜饺菜肉比例啱啱好，连云吞都唔系行货馅料！全部皮薄馅靓！🥩不过全晚MVP要颁俾牛肉拼盘，霜降牛啲雪花纹靓到似艺术品，咬落牛味浓得嚟带香，啲肉汁多到漏出嚟；手切肥牛就胜在油脂均匀，滚三下入口即化，蘸少少沙茶酱已经够晒和味。🍹最后要赞吓杯自家制洛神花茶，酸甜冰凉劲解腻，最抵死系卖$38杯但大杯过我块面！老细话今次埋单人均$3xx，喺九龙城呢
今晚同老细收工后嚟到福佬村道呢间「瀛锅」，门面唔算豪华但坐得舒服。店员话楼上有包房～衬冇乜人上去八下先～有大房有细房，有一间仲可以打通开party～又真系几骨子㖞！
🍲坐低点个瑶柱白肺汤润一润先～店员提醒汤底嚟到一定要先饮碗汤暖一暖胃～果然足料，除咗瑶柱同猪肺，仲有鸡脚，大大煲，啲汤甜到呢～🥰😋如果要双拼都系加$10咋！
开炉前先嗌个刺身拼盘（细）热一热身：三文鱼厚切肥美、北寄贝爽脆、希灵鱼好鬼鲜甜、纹甲鱿鱼卷咬落仲有「卜卜、吱吱」声！
🐟最惊喜系平时少见嘅新鲜鱼鳔，用筷子夹住喺汤底游走廿零秒，入口劲鲜甜，爽弹程度爆炸级！老细话呢味我啲fd实要encore多份先够喉～
🥟饺子拼盘绝对系诚意之作，四款各有fans：水饺皇包到半只拳头咁大粒，鱼皮饺烟韧得嚟唔会粉，韭菜饺菜肉比例啱啱好，连云吞都唔系行货馅料！全部皮薄馅靓！
🥩不过全晚MVP要颁俾牛肉拼盘，霜降牛啲雪花纹靓到似艺术品，咬落牛味浓得嚟带香，啲肉汁多到漏出嚟；手切肥牛就胜在油脂均匀，滚三下入口即化，蘸少少沙茶酱已经够晒和味。
🍹最后要赞吓杯自家制洛神花茶，酸甜冰凉劲解腻，最抵死系卖$38杯但大杯过我块面！老细话今次埋单人均$3xx，喺九龙城呢个火锅战场算系高质之选。食完行出门口仲谂紧，衬天口仲冻，过几日要带班同事嚟扫多次个鱼鳔先得！
张贴
