影片
更多
2022-02-04
295 浏览
撇低狗狗，出咗荃湾揾嘢食。本来好钟意鲎地坊的一间拉面店，但冇食一排竟然执咗，唯有随便喺附近揾个地方开餐。商场入面，间间餐厅的消费都唔低，当我同狗狗爸爸经过Itamama，对比之下，呢间餐厅的食物价格就相宜得多，而且佢提供唔少餐饮选择，咁就呢间啦！餐厅的装潢几有特色，工业风，餐台之间距离阔落，仲有唔少卡位。不过，望落似曾相识，餐厅装修同「胡须佬餐厅」 意乐有几分接近。点咗1个下午茶餐同1个午餐。下午茶餐系黑松露炒蛋Bagel配薯条，免费跟餐汤或热饮，而我就拣咗蘑菇忌廉汤。午餐就嗌咗鸡扒蛋盖饭配黑椒汁，跟餐加$10点咗冻奶盖朱古力。呢度的下午茶都几抵食，一嚟有Bagel比较特别，而且价钱唔贵，只系$41，再者而家适逢农历新年，餐厅依然提供下茶餐，仲要下昼2点已开始供应。我哋坐低之后都陆续见到唔少顾客入嚟帮衬。黑松露炒蛋Bagel配薯条：个Bagel外脆内软，仲几饱肚；食到炒蛋里面的黑松露味道；薯条粗身，炸得香脆。呢个下午茶餐虽然唔算好大份，但就几精致！蘑菇忌廉汤细细碗，汤入面有搅拌后的蘑菇粒粒，味道唔错。鸡扒蛋盖饭的黑椒汁有少少辣，黑胡椒味重，几惹味。蛋的份量颇大，估计有2-3只炒蛋，啲蛋
商场入面，间间餐厅的消费都唔低，当我同狗狗爸爸经过Itamama，对比之下，呢间餐厅的食物价格就相宜得多，而且佢提供唔少餐饮选择，咁就呢间啦！
餐厅的装潢几有特色，工业风，餐台之间距离阔落，仲有唔少卡位。不过，望落似曾相识，餐厅装修同「胡须佬餐厅」 意乐有几分接近。
点咗1个下午茶餐同1个午餐。下午茶餐系黑松露炒蛋Bagel配薯条，免费跟餐汤或热饮，而我就拣咗蘑菇忌廉汤。午餐就嗌咗鸡扒蛋盖饭配黑椒汁，跟餐加$10点咗冻奶盖朱古力。呢度的下午茶都几抵食，一嚟有Bagel比较特别，而且价钱唔贵，只系$41，再者而家适逢农历新年，餐厅依然提供下茶餐，仲要下昼2点已开始供应。我哋坐低之后都陆续见到唔少顾客入嚟帮衬。
黑松露炒蛋Bagel配薯条：个Bagel外脆内软，仲几饱肚；食到炒蛋里面的黑松露味道；薯条粗身，炸得香脆。呢个下午茶餐虽然唔算好大份，但就几精致！蘑菇忌廉汤细细碗，汤入面有搅拌后的蘑菇粒粒，味道唔错。
鸡扒蛋盖饭的黑椒汁有少少辣，黑胡椒味重，几惹味。蛋的份量颇大，估计有2-3只炒蛋，啲蛋完全覆盖碟上面的饭。鸡扒细块咗啲，但胜在香脆有鸡味。以$61的价钱，能够喺商场的餐厅坐得舒舒服服咁食到个午餐，都算系咁喇。冻奶盖朱古力够朱古力味，但就比较甜，而奶盖占咗1/3有多，虽然尝试过将朱古力同奶盖搅匀，不过因为奶盖系泡沫，两者好难混合，所以饮完杯里面的朱古力后，为免成肚气，都无办法吞埋啲奶盖泡沫。论份量，呢杯冻朱古力实际上系几少架。
食嘢的时候，突然抬头望到一个细招牌，写住Itamama，隔离有个细啲的中文字「意乐」。原来，呢间真系意乐嚟！可能我孤陋寡闻，原来意乐除咗以胡须叔叔做招牌，仲有佢自己的「副线」。店入面除咗呢块招牌好低调咁提到意乐外，其他细节位都只有Itamama的字样~~
张贴