黑布小巷

营业中

休息中

估你唔到咁多人排队，星期五夜晚大约等15分钟。落单用QR code先俾钱后上菜。座位非一般阔落，坐得好舒服，不过咁多人排队，食完都会走。*慢烤鸡腿芝士蛋吐司 $53鸡腿腌到好入味，甜味较重，未够多肉汁，仲有半熟煎蛋、芝士，令到吐司馅爆汁。吐司有牛油香，但有啲湿软，如果烘脆啲就更好了。古早味台式卤肉饭 $48唔知古早味系咩味，但呢个就系好味！猪腩肉七分肉三分肥，用传统台式做法，将肥肉煮到软腍，瘦肉有咬感，白饭吸晒卤肉汁，好好食！蕃茄红烧台式牛肉面 $78汤底有番茄蓉，茄味比牛肉味重好多。面条好腍，唔啱我口味。牛肋条有三条，煮到软腍，萝卜、红萝卜、卤蛋都卤到入味。芝士火腿肉松蛋饼 $45蛋饼有厚度、微Q软，唔会软腍腍，系我钟意嘅质感。馅料有鸡蛋、芝士、厚火腿、肉松，呢个组合好夹好食。