影片
更多
2014-01-01
765 浏览
香港这个冬菇真太冷， 周不时得十度八度， 饮食都以暖食为主，一系渌吓渌吓一系韩式BBQ， 系食得痛快不过成日食得多都闷啦，可况太燥热喇所以面上嘅粒粒越爆越多， 苦脑！ 昨晚太阳一下山走到街上面寒风迎面而嚟， 睇完戏八点半有多想揾D暖嘅嘢食，个脑不其然又谂起打边炉不过二人异口同声都话：「唔好喇啩！今个星期食咗三餐喇！」 开车一路兜一路睇有咩好食驶到深水圳朋友突然话佢今年未食过蛇就不如揾蛇食啦， 即刻上openrice 摷吓好快拣咗蛇王协因为见介绍除蛇羹外仲有小菜㖞，不过由于差不多九点怕未去到已经关门所以专登打电话问吓啦，接听电话嘅男士话大概十点收， 跟住话星期六十点半收都会， 然后话十一点收都有可能....， 噢！听落佢意思系: 「你嚟啦，唔洗问喇！」 Ok收到即刻泊好车行过去。店内有一张大圆枱，里面有D细枱而樯两边见倒嘅枱同櫈都可以坐，自己执生揾到张小方枱，枱头一望有一排木制柜上面写住「毒蛇」喺我哋后面， 正心想会唔会有蛇爬出之制店员走过嚟话里面无蛇咖唔洗惊。 想知有咩食望吓樯上当眼嘅莹光纸牌介绍就知咖喇。 睇D名: 过山乌、蛤蚧、山瑞确实从来未见过更加未食过， 稳阵D都系叫返D熟悉嘅
店内有一张大圆枱，里面有D细枱而樯两边见倒嘅枱同櫈都可以坐，自己执生揾到张小方枱，枱头一望有一排木制柜上面写住「毒蛇」喺我哋后面， 正心想会唔会有蛇爬出之制店员走过嚟话里面无蛇咖唔洗惊。 想知有咩食望吓樯上当眼嘅莹光纸牌介绍就知咖喇。 睇D名: 过山乌、蛤蚧、山瑞确实从来未见过更加未食过， 稳阵D都系叫返D熟悉嘅:大蛇羹、龙凤(蛇鸡)煲，个煲仔菜会跟两碗白饭同一碟菜，但又想食糯米饭㖞所以店员就提议要碗糯米饭换两碗饭， deal正合我心意。
蛇羮分大、小size, 大size都够两个人share嚟食。枱上面有柠檬叶丝、薄脆、调味，按个人喜好调配。 呢度嘅薄脆非常脆卜卜，而且仲带有南乳味，净食都好好味。 蛇羮汤较清唔会杰哒哒可以清楚见到蛇丝、木耳等材料，料好足全部都切得粗幼适中，每一口都非常满足。
糯米饭有好多腊味粒，米身干爽每粒分明无一旧旧，虽然较浅色但味道好够，唔算油腻。
蛇鸡煲整制作虽时都等咗成廿分钟呀， 用煲仔上嚟到揭盖就知好有镬气，蒸气涌起散发出阵阵香味，未食都流口水呀。 有半只鸡份量仲有好多蛇腩， 味道有D似奇味鸡煲有蒜子同干葱， 鸡肉厚无肥膏而蛇腩第一次食估唔到肉质唔"un"容易咬好多肉，有一排长骨好似鱼腩咁， 好好味㖞。
依家有蛇宴提供可半席， 一于约埋班friend去擦番一餐试齐所有蛇嘅美食。
张贴
