Layback Cafe & Bar

营业中

休息中

由尖沙咀搬到铜锣湾既新舖，睇IG见到已经开业，就决定嚟试下。环境几舒服，座位更有唔少cushion，可以舒舒服服咁坐系度同朋友食饭吹水。Menu上既食物亦好丰富，睇得出菜式系精心设计过。毡酒烤焗大澳黄花鱼子烤焗过既鱼子味道浓郁，甘香可口，配埋火箭叶就更加有层次。八爪鱼伴薯蓉好大片八爪鱼，弹牙得嚟绝对唔会好似香口胶咁韧。薯蓉好重牛油香。油封鸭腿配窝夫、血橙非常特别既菜式，从来无谂过鸭腿可以配窝夫，再加啲牛油同血橙，味道系意外地好夹，食到鸭腿既味道又带点窝夫既香甜爽脆。薯条卡津薯条粗幼度适中，外层香脆带点薯仔皮，并洒满卡津粉，更添风味。Sor Berries混合左士多啤梨、蓝莓、红桑子及香蕉既smoothie，几钟意佢味道唔会太甜，有淡淡既莓香，果然系真材实料。Tropical Sunshine个名同卖相一样咁靓，混合左菠萝、香蕉、芒果以及桃。饮落就觉得香蕉既味道会相对地突出，充满夏日气息。