碧儷苑·精點粵菜 (擺花街)

营业中

休息中

.🔖碧俪苑·精点粤菜 | 𝑪𝒆𝒏𝒕𝒓𝒂𝒍系中环想饮个靓茶、食个靓包，黎呢间系摆花街嘅中菜馆绝对系一个唔错嘅选择👅～ 呢间餐厅Openrice唔算多好评，但又零负评，所以就一于试试佢😆。.今次平日午市时间到访，都差唔多接近坐满，所以想黎食就要预先Book位。因为枱与枱之间都隔得比较近，所以都比较嘈，如果想黎静静哋倾偈，或者Formal Business Lunch 就未必好适合。😉.午市时间有午市套餐，但大部份都系炒粉面类，亦可以散叫点心，但就收正价冇其他优惠。点心当中最推介又打卡able嘅就系奶皇小虎包！🐯叫咗四只小虎包，估唔到厨师细心到有唔同姿势。而且摆盆好有心思仲要喷烟，一拎出黎真系够晒气势😂。.另外一样要推介嘅就系个糯米饭🙋🏻‍♀️。虽然个样平平无奇，但糯米煎得劲香又有咬口，系当日味道最惊喜嘅点心！.最后四个人埋单大约八百几蚊，人均二百几蚊饮个午茶其实都几贵。餐厅嘅格局同服务唔算高级，但食物质素唔错。见餐厅都有早茶同下午茶优惠，想再抵啲可以就番时间去🙌🏻。