囍源古早蛋糕 (已結業)

今日去咗深水埗，经过一间古早蛋糕店，行过闻到阵阵蛋糕香味，原来系一间卖台湾古早蛋糕店 - 囍源💛香港人当然支持返咁有爱嘅香港良心小店啦💛就买咗两个蛋糕返屋企食。呢间正宗古早蛋糕低糖少油，而且味道非常之多，多达150多种味道，我都有啲选择困难😂最后拣咗一个巨无霸3层芝士肉松，另一个系芋泥。▪️ 巨无霸3层芝士肉松面层布满肉松，下面𠮶几层嘅芝士蛋糕松软软熟，食落咸咸甜甜咁几好食😋▪️ 芋泥芋泥嘅味道好香，而且呢个蛋糕嘅口感比芝士肉松更加松软软熟，食落仲带有少少甜，但同样好食。囍源做出嚟嘅古早蛋糕，真系好用心💛去做，佢哋系坚持用正宗古早蛋糕嘅做法「水浴法」去做，会比较花时间去做，需要2-3个钟头先做到，唔系一般所谓嘅古早蛋糕只用45分钟就做到。正宗嘅古早蛋糕系唔会做到㶶边㶶底，馅料不平均，大家要识得分真假啊。