影片
更多
2024-11-04
210 浏览
平时好钟意食蛋糕同挞嘅我有日喺社交平台碌到呢间小店，见佢新出咗葡挞仔几吸引就order咗一份。工厂区唔难揾，但上到去原来冇现货蛋糕睇，所有蛋糕都要提早两日网上落单，每日新鲜制造。葡挞有三种口味：原味、开心果、咸蛋，后面两款都比较特别！😍店主建议140度焗4分钟左右再食~焗紧嘅时候已经闻到酥皮嘅香味！花花酥皮好靓，切开时酥脆松化，一层层嘅口感相当有层次。原味蛋香味浓郁，入口顺滑，口感湿润，带有少许焦香味，重点系唔会好甜！开心果迷对开心果挞表示相当兴奋，食落开心果味浓郁，再配上粒粒嘅口感非常夹。最后系咸蛋口味，平时食咸蛋嘢最怕油腻，但系呢个蛋挞一啲都冇。唔油腻之余咸蛋味亦唔会过咸，调校得啱啱好，咸香加蛋香，真心唔错！三个挞嘅甜度都唔太甜，非常适合钟意健康嘅人士！见佢啲蛋糕都系主打低糖、无防腐剂、无麸质，见店主好细心又有心思，下次都可以试吓！😍
工厂区唔难揾，但上到去原来冇现货蛋糕睇，所有蛋糕都要提早两日网上落单，每日新鲜制造。
0 浏览
0 赞好
0 留言
焗紧嘅时候已经闻到酥皮嘅香味！花花酥皮好靓，切开时酥脆松化，一层层嘅口感相当有层次。
6 浏览
0 赞好
0 留言
0 浏览
0 赞好
0 留言
2 浏览
0 赞好
0 留言
0 浏览
0 赞好
0 留言
见佢啲蛋糕都系主打低糖、无防腐剂、无麸质，见店主好细心又有心思，下次都可以试吓！😍
张贴
