龍亭

真系唔明点解咁多好评，唯一合理解释系比钱买打手。好衰唔衰又中左计，比好评呃左，去左一试，心谂：其实将啲「广告费」放系食材到，真系会好好多。起码，啲沙律菜新鲜啲，唔系「霉」既；起码，带子系新鲜，唔系冰鲜。又或者，将啲心机放系处理食材，唔系整色整水，最最起码，糖心蛋唔会有蛋壳，法国生蚝唔会有蚝壳碎…….丫，话时话，标明系日本高级餐厅，佢对筷子同普通茶餐厅嘅筷子系一样。起码，都俾返对日式尖头嘅筷子我丫，夹粒鱼子会容易啲丫嘛！