影片
更多
2023-05-27
1551 浏览
一间啱feel嘅餐厅，真系会令人好放松，唔知配以木系家私嘅日系文青风，又系唔系你嘅心水呢？位于铜锣湾嘅Lounge Hakuba，餐厅嘅格调氛围正合我心意。餐厅嘅菜单选择以和风洋食为主，配埋杯打卡咖啡，绝对系我嘅holiday呀！但原来文青cafe一踏入夜晚，却变成另一个世界？BYOB - Build Your Own Bento自选日式定食日式定食餐牌非常清楚，先喺主食四拣一，再喺蔬菜或蛋类九拣二、最后喺肉类八拣二，原来望落简单嘅餐牌，可以组合成过百种配搭，每一份都肯定系最啱你个人口味嘅便当啦！我嘅日式定食组合就拣咗日本珍珠饭，配以明太子日式蛋卷、蜜糖紫薯配蒟蒻、味噌比目鱼同自家制章鱼炸虾饼（大阪烧＆芒果酱）。特别推荐味噌比目鱼，烧香嘅比目鱼，油香十足，又鲜又嫰，加上咸香浓郁嘅味噌，同比目鱼真系最佳配搭；至于明太子日式蛋卷系另一惊喜，明太子份量十足，加上采用日本新鲜鸡蛋整成嘅蛋卷，感觉新鲜，充满口感。无花果牛肉汉堡配Shake Shake薯条牛肉汉堡采用USDA Prime Angus Beef，用料上乘，牛肉味香浓，充满肉汁！配上餐厅自家调制嘅无花果酱，减低牛肉嘅油腻感之余，鲜甜嘅
一间啱feel嘅餐厅，真系会令人好放松，唔知配以木系家私嘅日系文青风，又系唔系你嘅心水呢？位于铜锣湾嘅Lounge Hakuba，餐厅嘅格调氛围正合我心意。餐厅嘅菜单选择以和风洋食为主，配埋杯打卡咖啡，绝对系我嘅holiday呀！但原来文青cafe一踏入夜晚，却变成另一个世界？
BYOB - Build Your Own Bento
自选日式定食日式定食餐牌非常清楚，先喺主食四拣一，再喺蔬菜或蛋类九拣二、最后喺肉类八拣二，原来望落简单嘅餐牌，可以组合成过百种配搭，每一份都肯定系最啱你个人口味嘅便当啦！我嘅日式定食组合就拣咗日本珍珠饭，配以明太子日式蛋卷、蜜糖紫薯配蒟蒻、味噌比目鱼同自家制章鱼炸虾饼（大阪烧＆芒果酱）。特别推荐味噌比目鱼，烧香嘅比目鱼，油香十足，又鲜又嫰，加上咸香浓郁嘅味噌，同比目鱼真系最佳配搭；至于明太子日式蛋卷系另一惊喜，明太子份量十足，加上采用日本新鲜鸡蛋整成嘅蛋卷，感觉新鲜，充满口感。
无花果牛肉汉堡配Shake Shake薯条
牛肉汉堡采用USDA Prime Angus Beef，用料上乘，牛肉味香浓，充满肉汁！配上餐厅自家调制嘅无花果酱，减低牛肉嘅油腻感之余，鲜甜嘅无花果酱，令成个汉堡嘅味道充满惊喜！食汉堡包又点可以无薯条呢？呢个薯条配上麻辣shake shake粉，绝对系味蕾嘅冲击！
榛子酱香蕉Croffle
想过得写意一点，又点可以无甜品呢？呢个榛子酱香蕉Croffle就够晒丰富，最钟意就系加上焦糖再微微烧焦嘅香蕉，焦香味更能带出香蕉嘅鲜甜、再配以榛子酱嘅窝夫、雪糕同麻薯，份量十足，又唔会太甜，两个人share就啱啱好喇！
美式咖啡、鲜橙蝶豆花梳打
嚟到文青cafe又点可以唔叫番杯咖啡呢？美式咖啡即叫即磨，咖啡味非常香浓；至于鲜橙蝶豆花梳打就够晒清爽，夏天饮就够晒解喝啦！
文青cafe vs 格调酒吧？
每日一入夜，Lounge Hakuba就会大变身，由文青cafe变成格调酒吧！酒吧更设有户外区域，适合大家放工放假嚟饮番杯，为生活松一松。特别钟意餐厅引入唔同嘅日本烈酒再融入特制嘅cocktail中，享受日落后微醺嘅感觉。
张贴
