影片
更多
2023-07-24
3096 浏览
上星期六放工太夜，本身谂住去赤柱食饭，因为太夜所以都系留喺沙田，又想食啲类似嘅外国嘢，行吓行吓就见到呢一间，记得湾仔有分店，不过一直都未食，夜晚八点几，等咗一阵位就有得入啦。餐厅有一大部份侍应都系外国人，好Nice， SeT dinner都逐样介绍吓，又可以加钱叫生蚝同埋酒，不过揸咗车，所以最后叫咗花茶，不过都嗌咗几只生蚝过吓口瘾。Tomato basil soup，饮得出仲有好丰富嘅蕃茄肉， basil咪又好出，上面淋咗橄榄油香口好多。Pork belly bites，猪腩肉嘅皮烤得好脆，就咁食有啲干，但加左青柠汁就啱啱好。4件生蚝，平时都会配Tabasco，餐厅沟咗一杯仔黑醋汁，惊喜地好食，柠檬任用一啲都唔孤寒。花茶有三款，我叫咗anti stress，因为返工真系太攰了。花茶都用茶壶上，起码饮到三四杯，好抵，仲有Lotus饼干，好似欧洲Cafe咁。佢主菜叫左法式油封鸭腿，要加$20，鸭腿嘅size同外国差唔多，都系唔算大只，不过肉质好柔嫩。佢配咗一个砵酒酱汁，下面嘅薯仔意粉同埋椰菜都即刻变得好惹味。我就拣咗软壳蟹risotto ，唔使加钱，饭底好creamy，唔会太硬，不过柠檬汁
上星期六放工太夜，本身谂住去赤柱食饭，因为太夜所以都系留喺沙田，又想食啲类似嘅外国嘢，行吓行吓就见到呢一间，记得湾仔有分店，不过一直都未食，夜晚八点几，等咗一阵位就有得入啦。
餐厅有一大部份侍应都系外国人，好Nice， SeT dinner都逐样介绍吓，又可以加钱叫生蚝同埋酒，不过揸咗车，所以最后叫咗花茶，不过都嗌咗几只生蚝过吓口瘾。
Tomato basil soup，饮得出仲有好丰富嘅蕃茄肉， basil咪又好出，上面淋咗橄榄油香口好多。
Pork belly bites，猪腩肉嘅皮烤得好脆，就咁食有啲干，但加左青柠汁就啱啱好。
4件生蚝，平时都会配Tabasco，餐厅沟咗一杯仔黑醋汁，惊喜地好食，柠檬任用一啲都唔孤寒。
花茶有三款，我叫咗anti stress，因为返工真系太攰了。花茶都用茶壶上，起码饮到三四杯，好抵，仲有Lotus饼干，好似欧洲Cafe咁。
佢主菜叫左法式油封鸭腿，要加$20，鸭腿嘅size同外国差唔多，都系唔算大只，不过肉质好柔嫩。佢配咗一个砵酒酱汁，下面嘅薯仔意粉同埋椰菜都即刻变得好惹味。
我就拣咗软壳蟹risotto ，唔使加钱，饭底好creamy，唔会太硬，不过柠檬汁唧上去软壳蟹嘅时候，好容易滴到落饭，饭整酸咗冇咁好食，要小心啲。
老公全晚最爱呢件柠檬挞，佢比出边一般嘅冇咁酸，上面嘅cream亦都好清新，一啲都唔Heavy。
埋单连加一每人300几，都算几抵食，食到饱住走，系两人枱张枱细少少，餐碟有啲迫。
张贴
