影片
更多
2024-09-24
1121 浏览
2024年9月9日 星期一今日放工后见饿饿地，就谂住喺天后附近揾嘢食下喺电气道嘅天桥底下见到呢一间舖好似新开张咗冇几耐，主打乳酪雪糕，装修得几有特色，简约清新，仲keep住有客人帮衬添餐厅有七款配搭咗唔同配料嘅乳酪雪糕杯提供，同一时间都可以自创想要嘅雪糕杯，价钱都唔算太贵，50几蚊就有交易，比较特别嘅系见到有牛角杯，乳酪雪糕上面竟然加咗牛角包？好奇心驱使之下就点咗呢一个，再加自己想要嘅配料牛角杯加埋五款配料一共大约$70，属于合理价钱当店员整好制成品拎俾我嘅时候，当场吓咗一跳，无谂到咁大杯，而且装满晒配料，最特别嘅一定系个牛角包，压扁咗之后咬落更加松化同脆口，里面仍然见到一层层嘅酥皮，同雪糕一齐食味道更加配合，唔会觉得好油腻另外雪糕加咗蜂蜜之后层次更加丰富，而抹茶麻糬就好烟靭，抹茶味都几突出，同底层嘅抹茶奶冻又系两个唔同嘅质感，奶冻入口比较幼滑最后不得不提餐厅自家制嘅杏仁脆片，因为咬落去真系好松脆，仲食到一粒粒嘅杏仁，整得好香口食完呢杯雪糕之后返到屋企都仍然觉得好饱，晚餐都唔需要食太多
今日放工后见饿饿地，就谂住喺天后附近揾嘢食下
喺电气道嘅天桥底下见到呢一间舖好似新开张咗冇几耐，主打乳酪雪糕，装修得几有特色，简约清新，仲keep住有客人帮衬添
餐厅有七款配搭咗唔同配料嘅乳酪雪糕杯提供，同一时间都可以自创想要嘅雪糕杯，价钱都唔算太贵，50几蚊就有交易，比较特别嘅系见到有牛角杯，乳酪雪糕上面竟然加咗牛角包？好奇心驱使之下就点咗呢一个，再加自己想要嘅配料
牛角杯加埋五款配料一共大约$70，属于合理价钱
当店员整好制成品拎俾我嘅时候，当场吓咗一跳，无谂到咁大杯，而且装满晒配料，最特别嘅一定系个牛角包，压扁咗之后咬落更加松化同脆口，里面仍然见到一层层嘅酥皮，同雪糕一齐食味道更加配合，唔会觉得好油腻
另外雪糕加咗蜂蜜之后层次更加丰富，而抹茶麻糬就好烟靭，抹茶味都几突出，同底层嘅抹茶奶冻又系两个唔同嘅质感，奶冻入口比较幼滑
最后不得不提餐厅自家制嘅杏仁脆片，因为咬落去真系好松脆，仲食到一粒粒嘅杏仁，整得好香口
食完呢杯雪糕之后返到屋企都仍然觉得好饱，晚餐都唔需要食太多
张贴
