碧儷苑·精點粵菜 (擺花街)

营业中

休息中

之前冇听过呢间中菜，见唔少好评中环又方便就黎试吓。入到去唔算大，装修简约，唔想谂食咩就拣左个4人餐。首先有杏汁白肺汤，每人饮到两碗，杏汁味好重，养颜又好饮。会上埋汤渣，猪肠猪肺点豉油其实几好食，肉就太鞋，汤够老火。细食嘅饮完两碗汤同食汤渣可能已经饱左一半😆鸡汤浸鲜班球 - 呢个冇咩特别，鱼唔够滑麻婆豆腐龙虾 - 好特别嘅组合，又几正。系澳洲龙虾，唔系波士顿，容易食又好味，少少辣惹味又开胃。炸子鸡 - 太咸了，食左好少龙哥炒饭加左松子，食落唔油调味也做得唔错。食到呢度其实已经饱饱地…然后眼前出现呢个陈皮砵酒炆牛尾，好大盘啊！夹薄饼真系冇试过，感觉几新鲜。红萝卜陈皮味好重，入晒味！最后系呢个可爱嘅甜品 - 黑糖蜂巢糕呢个餐其实够5-6人食，我地4个人食到好饱都要打包。味道唔错不过唔算话好突出，菜式特别，服务都好好。赞一赞个茶☕️，冲左好多轮味道仲够浓，可以消滞，埋单1,600。