滿小館

营业中

休息中

位于尖东嘅巧手中菜馆，环境宽敞舒适，仲可以包厢房，都几啱一班人聚会。食物整体质素都唔错。火焰古法烧腩叉餐厅推介之一。外层涂上蜜糖，而且落左少少酒。上菜后用火枪一烧，酒香扑鼻。咬落都算松软多汁。怀旧虾凤尾虾多士下层多士非常酥脆，唔会好油腻。上层有凤尾虾同虾胶，好弹牙。整体口感丰富。得到我呢位虾嘅爱好者认可🙌🏻蒜蓉粉丝蒸元贝当日嘅厨师推介之一。元贝好鲜甜，肉质弹牙。配上惹味蒜蓉配上粉丝，无得输嘅组合。嫩滑酸菜鱼细分嘅都应该够三至四人食。鱼片非常嫩滑，无乜骨。酸味够，个人喜欢再辣多少少。呢度系配米线，而唔系一般嘅薯粉或宽粉。八味金砖经常食到嘅菜式，但呢度真系整得好出色。外层金黄香脆，内层嫩滑。夹起上嚟好实净，但又唔会太厚粉。最后再饮埋两碗老火汤，茶树菇炖竹丝鸡汤同松茸准杞炖螺头汤，汤料好足，饮得好舒服。