六如

营业中

休息中

今日嚟到一间新餐厅，餐厅前身系中环嘅三小渔，所以未嚟嘅时候都已经有啲期望，结果嚟到之后都冇失望。装修简洁得来都有质感，所有食嘅嘢嘅摆盘都好精致，真系视觉同美国嘅冲击，你知啦，而家打卡咁紧要，见到靓靓嘅嘢食，食落都会觉得特别好食！个茶我哋要咗桂花乌龙，真系劲香桂花味！口水花雕鸡冻同黑砖豆腐系拼埋一次过上嘅，摆盘已经好靓，口水鸡够辣，但系加埋西瓜夹层，成个味道好特别。鲜苹果陈醋香煎牛柳粒摆盘好靓，上面更加有菠萝同苹果，甜甜嘅果香加埋陈醋，再配埋牛肉味，令成个口感同味道都更加升华。水煮年糕龙趸球对于食得辣嘅人嚟讲，一定觉得劲正，尤其是系佢个汤底，一饮就饮得出同出边嘅有分别，原来系因为老细真系用鱼件去淆啲汤底出嚟，所以食得辣嘅人一定要饮晒啲汤啊！茴香干煸爽肉白菜花唔会太油，菜同肉嘅比例刚刚好，肉嘅油香加埋落啲白椰菜花度，成件事更加爽脆可口。士多啤梨芝士软糕都系一个完美嘅结尾，甜品唔会太甜，几出色。