影片
更多
2024-05-04
55 浏览
最近沙田新城市广场新开好多餐厅，听讲呢间泰国菜由米芝莲厨师坐镇，而且见佢价钱都几抵，假期即管同屋企人去试吓！餐厅够光猛，用上简单木系装修，行简约路线，成个环境都几舒服！菜式选择好多，而且配搭有新意，绝对值得过嚟一试！-——————————————🐂◖安格斯牛肉船面（下）◗ $108讲起泰式料理，一定要食船面！汤底浓稠，加入安格斯牛肉、牛丸、牛筋同牛腱，成碗都系牛肉精华，拣咗米粉底，够晒索味，味道咸香有层次！🦀◖蟹肉炒饭◗ $168简单嘅蟹肉炒饭，蟹肉份量唔少，炒饭干爽粒粒分明，炒得好有镬气，够晒香口，食得出厨师个功架！🍢◖牛柳两串◗ $56烧得好香，配上秘制酱汁，酸酸辣辣更惹味，另外加咗个椰菜沙律（+$3），夹住沾上酱汁嘅牛肉一齐食，爽甜香口！🥭◖芒果糯米饭◗ $78饭椰子味好香好出，有好多芒果肉，好清甜，好食！🧋◖泰式奶茶（下）◗ +$8每次食泰国嘢必点，跟下午茶叫加$8就有，超抵！泰式手标茶好香，茶味浓郁，而且有得拣少甜，甜度啱啱好！🥥◖椰青◗ $48大大个椰青，清甜解渴，饮完仲可以食埋啲椰肉，正！🌟Encore指数：8.6/10
-——————————————
🐂◖安格斯牛肉船面（下）◗ $108
讲起泰式料理，一定要食船面！汤底浓稠，加入安格斯牛肉、牛丸、牛筋同牛腱，成碗都系牛肉精华，拣咗米粉底，够晒索味，味道咸香有层次！
🦀◖蟹肉炒饭◗ $168
简单嘅蟹肉炒饭，蟹肉份量唔少，炒饭干爽粒粒分明，炒得好有镬气，够晒香口，食得出厨师个功架！
🍢◖牛柳两串◗ $56
烧得好香，配上秘制酱汁，酸酸辣辣更惹味，另外加咗个椰菜沙律（+$3），夹住沾上酱汁嘅牛肉一齐食，爽甜香口！
🥭◖芒果糯米饭◗ $78
饭椰子味好香好出，有好多芒果肉，好清甜，好食！
🧋◖泰式奶茶（下）◗ +$8
每次食泰国嘢必点，跟下午茶叫加$8就有，超抵！泰式手标茶好香，茶味浓郁，而且有得拣少甜，甜度啱啱好！
🥥◖椰青◗ $48
大大个椰青，清甜解渴，饮完仲可以食埋啲椰肉，正！
🌟Encore指数：8.6/10
张贴
