影片
更多
2025-01-20
152 浏览
呢间西班牙菜Sabor，其实我想食好耐。有个好重要嘅原因，系佢free corkage嘅政策 (基本上每位叫set已经满足佢free corkage要求)，加上佢冇分时段，可以真正令人享受一晚自备byob嘅wine dinner。Grilled Cuttlefish with Alloil $280呢个蒜香墨鱼系好大惊喜。原因系我好少见到墨鱼粒系真正做到small bite而且唔会好韧。原因系佢花咗好多时间将四层墨鱼皮慢慢切。加上呢个有蒜香嘅香茜酱汁，无论衬酒定就咁食都非常开胃。Sabor Signature Chicken Box $780呢个三位一体嘅鸡料理，当中包括Chicken Liver Pate(鸡肝酱配水晶包)、Oven Baked Chicken，同Chicken Skin Oil Rice。唔好睇少呢只烧鸡，佢系经历过两次80度以下慢煮，之后店员会先用威士忌点火，再分出唔同嘅部份。Chicken Liver Pate鸡肝酱配水晶包面包系配上鸡肝酱，而鸡肝酱系加入葱，洋葱制造，味道唔算浓，但食落同鹅肝酱相差无几。Oven Baked Chicken香焗烧鸡好明显佢唔系就
Grilled Cuttlefish with Alloil $280
呢个蒜香墨鱼系好大惊喜。原因系我好少见到墨鱼粒系真正做到small bite而且唔会好韧。原因系佢花咗好多时间将四层墨鱼皮慢慢切。加上呢个有蒜香嘅香茜酱汁，无论衬酒定就咁食都非常开胃。
Sabor Signature Chicken Box $780
呢个三位一体嘅鸡料理，当中包括Chicken Liver Pate(鸡肝酱配水晶包)、Oven Baked Chicken，同Chicken Skin Oil Rice。唔好睇少呢只烧鸡，佢系经历过两次80度以下慢煮，之后店员会先用威士忌点火，再分出唔同嘅部份。
Chicken Liver Pate鸡肝酱配水晶包
面包系配上鸡肝酱，而鸡肝酱系加入葱，洋葱制造，味道唔算浓，但食落同鹅肝酱相差无几。
Oven Baked Chicken香焗烧鸡
好明显佢唔系就咁焗出嚟，佢系会用橡果做出烟熏效果。所以无论系表面嫩滑嘅鸡胸，侧边浓郁嘅鸡髀，定底部充满橡木果味嘅鸡髀肉，都可以带俾人唔同嘅享受。
Chicken Skin Oil Rice鸡皮油香饭
鸡皮？饭？原本以为系好Hea嘅饭，但原来一啲都唔简单。用上特制酱汁同煲仔饭嘅做法，饭粒做得格外干身，加上酱汁同一定嘅油分，呢个饭其实食落相当香口之余，亦唔会好油好腻，系相当成功嘅出品。
加泰罗尼亚风格焦糖炖蛋连雪糕 $80
呢个相对抵食嘅焦糖炖蛋，并冇用传统方法嘅蛋白，而系将所有材料混为一体，加上香茅嘅味道，味道丰富又复杂，附带嘅芒果雪糕亦可带来奇效。
呢度嘅嘢食有个共通点，就系同葡萄酒相当夹。以今晚为例，我带嚟嘅右岸波尔多酒，同呢度每一道菜都可以话唔会有冲突之处，个人认为就算带口感细致嘅Burgundy或高级香槟，亦可以衬到夹一夹。
呢度免开瓶费，冇分时段，餐厅环境宁静，又有一定景色，的确好适合嚟呢度倾偈食饭。仲未计，呢度实在太方便，喺地铁站E出口一出嚟就系了。
张贴
