潮薈館

营业中

休息中

潮州妹今晚又去咗九龙城揾下潮州菜食。今次试下呢间新店，试试新派潮州菜馆嘅潮州菜够唔够地道先。餐厅装修布置甚具心思，采用传统中国风格，墙身是中国山水景色，挂上旧式中国灯笼、古式深色木制餐桌餐椅，配上传统中国菜壸及餐具等等。令人如置身古代进餐，别具风味。虽然是新派潮州餐馆，打开餐牌一睇，除了常见潮州食品、小炒、粥面之外，较少见嘅例如生腌瑡蚶、生腌蟹、生腌赖尿虾都有得食。仲有炒薄壳、普寜炸豆腐等等，呢啲直头系我儿时家庭菜式。《汕头蚝仔洛》（$108），特别推荐大家一定要试，呢个蚝仔洛是用薯粉开，加上蛋慢煎，入口已经食出不同一般蚝饼。口感较烟靭，蚝仔肥美鲜甜，而周边嘅蛋香脆，配上鱼露提鲜，绝对一试难忘。佢嘅制作方法，令我想起儿时食到妈妈嘅煎蚝饼，制法十分近似，一是用薯粉、二是非油炸而是煎，老实说不是很多地方有。《卤水鹅拼盘》（$158），有鹅片，腩肉片，红肠，卤豆腐，卤蛋角。卤水够香够入味，鹅肉甘香，亦是水准之作。最后忍不住㸃埋个《反沙芋》，虽然呢个芋头不够粉香，但发现师傅系糖中混有炒香芝麻粒，大大提升食物香味，功夫之作，可以一试。老板娘十分好人，知我是潮州妹，见我又钟意食反沙芋，所以仲请我试