漁火海鮮刺身火鍋

营业中

休息中

朋友聚会来个打边炉，前排听朋友介绍铜锣湾有间火锅店啲嘢食好新鲜，今日一于去试下啦 。一去到门口已经见到好多生蚝。汤底种类都唔少，有啲汤底仲可以拣双拼，拣咗好耐终于决定拣餐牌上有两个like花胶向螺炖猪展汤底，果然无介绍错，我哋试饮咗一碗，真系好好味，个汤好甜，而且又足料，有花胶、向螺、虫草花、猪展、凤爪、桂圆等材料，店主话最重要佢哋无落味精，真系可以媲美妈妈煲嘅老火靓汤。挪威三文鱼刺身：肉质细嫩鲜美，油脂令人食落有满足嘅感觉。深海龙趸斑片：新鲜鲜甜，斑片嫩滑。手切顶级Prime牛肉：雪花纹平均，肉质嫩滑。渔火特色四色丸有虾丸、墨鱼丸、牛肉丸、猪肉丸、粒粒都系人手打成，非常弹牙，最特别莫过于猪肉丸，入面竟然有咸蛋黄，有 多重口感。除左打边炉之外，呢度仲有啲小食，我哋试咗个脆炸虾饼，炸得香脆可口，而且同样都系手打，爽口弹牙！日本稻庭乌冬：幼滑细腻，爽口无比。猪大肠：唔会太肥。自家竹蔗茅根：清热解喝，味道唔会太甜，打完边炉饮番杯真系唔错。