影片
更多
2024-11-06
2121 浏览
天气再凉多少少，又系打边炉嘅时候。除咗要靓嘅海鲜同牛肉，今次我同朋友一边食，一边倾偈，所以想要埋冇限时。究竟得唔得？“一本食堂”呢间喺观塘嘅日本餐厅，依家夜晚做埋火锅放题。连同花胶鸡锅、海鲜盘、刺身盘、牛盛盘同饮食嘅饮品，配料等等，每位$298。虽然海鲜刺身同靓牛都唔系任食，佢胜在无限时，可以慢慢倾，慢慢食。配料方面，全部都喺出边攞到，包括肥牛、猪肉、牛柏叶、鹅肠、大量奇特嘅丸、鱼腐响铃等等，就连鸡子都有😅。当然，佢本身包咗嘅海鲜同牛肉质素会高好多，例如佢嘅海鲜嘅蚝系相当大只，带子、小龙虾同鲍鱼都唔细只。牛方面佢嘅prime牛小排系最好食，不过出边任攞嘅猪肉牛肉都唔算差，起码唔会嚡口。讲返个锅，系而家最兴嘅花胶鸡锅，可以饮完汤之后先至烚嘢食。除咗火锅配料，佢仲有啲小食包括台湾肠同炸鱼块。饮品方面，就有任饮嘅罐装啤酒(+$68有买一送一生啤) 、角色汽水同自家制嘅茶。当然唔少得甜品。香港品牌嘅雪糕味道都算特别，有tiramisu、港式奶茶同榴梿等。仲有其他甜品包括芒果布甸、雪耳糖水，仲有水果。其实真系几多嘢拣。火锅配料选择多，海鲜同牛都靓仔，环境阔落，仲可以无限时咁食，先至二百几蚊一个人
除咗要靓嘅海鲜同牛肉，今次我同朋友一边食，一边倾偈，所以想要埋冇限时。究竟得唔得？
“一本食堂”
呢间喺观塘嘅日本餐厅，依家夜晚做埋火锅放题。连同花胶鸡锅、海鲜盘、刺身盘、牛盛盘同饮食嘅饮品，配料等等，每位$298。虽然海鲜刺身同靓牛都唔系任食，佢胜在无限时，可以慢慢倾，慢慢食。
配料方面，全部都喺出边攞到，包括肥牛、猪肉、牛柏叶、鹅肠、大量奇特嘅丸、鱼腐响铃等等，就连鸡子都有😅。当然，佢本身包咗嘅海鲜同牛肉质素会高好多，例如佢嘅海鲜嘅蚝系相当大只，带子、小龙虾同鲍鱼都唔细只。
牛方面佢嘅prime牛小排系最好食，不过出边任攞嘅猪肉牛肉都唔算差，起码唔会嚡口。讲返个锅，系而家最兴嘅花胶鸡锅，可以饮完汤之后先至烚嘢食。
除咗火锅配料，佢仲有啲小食包括台湾肠同炸鱼块。饮品方面，就有任饮嘅罐装啤酒(+$68有买一送一生啤) 、角色汽水同自家制嘅茶。
当然唔少得甜品。香港品牌嘅雪糕味道都算特别，有tiramisu、港式奶茶同榴梿等。仲有其他甜品包括芒果布甸、雪耳糖水，仲有水果。其实真系几多嘢拣。
火锅配料选择多，海鲜同牛都靓仔，环境阔落，仲可以无限时咁食，先至二百几蚊一个人，算系相当节制，最适合啲想揾地方倾偈嘅朋友。倾几耐，食几耐。
张贴
