深宵食堂

营业中

休息中

前两日约咗朋友去位于旺角嘅深宵食堂食晚饭。串烧：串烧方面我哋叫咗豚肉芦笋卷、烟肉荔枝卷、厚烧牛舌同盐烧鸡软骨。豚肉芦笋卷入面嘅芦笋好爽脆、好多汁；烟肉荔枝卷嘅荔枝好大粒，配搭烟肉一齐食可以解烟肉嘅腻；厚烧牛舌真系好厚，好有嚼劲；而盐烧鸡软骨就好爽脆～炸物：我地叫咗炸芝士虾球同炸鱿鱼。炸芝士虾球入面嘅虾肉扎实弹牙，芝士更添香味。炸鱿鱼份量多，而且十分爽脆！主食：因为我地都叫咗好多串烧同炸物，所以我地主食净系叫咗黑松露炒乌冬。依个主食一送到就闻到好香嘅黑松露，食落都系啖啖黑松露嘅香味！而且乌冬硬度适中，口感不错。