E FOR EGG

营业中

休息中

星期六同老公到西营盘E FOR EGG食晚餐。金沙软壳蟹三文鱼籽海鲜沙律盒子吐司卖相好澎湃，有好脆嘅软壳蟹，仲有三文鱼子，厚吐司入面夹住好多嫩滑既炒滑蛋，吐司亦都好香脆，另外仲有炸年糕同沙律。盐味三文鱼茶渍丼茶渍饭唔会过咸，调味清清地，同三文鱼好夹，好味。日式牛肉汤乌冬肥牛份量好多，乌冬系弹牙既日本乌冬，正。鸡翼拼盘有饺子鸡翼同芝麻鸡翼，饺子鸡翼酿左平时饺子既猪肉馅，估唔到好夹，芝麻鸡翼好脆口又juicy，都好食。黑松露番薯条黑松露好多好香，蘸黎食最好。栗子蒙布朗窝夫卖相精致，外围满布栗子蓉，入面有忌廉、栗子、雪米糍、窝夫，有雪米糍真系好惊喜。天使奶油蛋糕卷甜度适中，蛋糕卷软熟，食到椰丝，几好食。饮品叫左竹炭黑芝麻鲜奶、香浓朱古力同西西里柠檬岩盐气泡水。