Lucky Ristorante (已結業)

约咗朋友食dinner，见到呢间都几多好评，地点就脚，所以就经openrice book咗呢间。蓝色系餐厅，店内灯光柔和，每枱之间都有充足空间，唔会好逼，服务应很好，好适合朋友聚会或者情侣用餐。巴马风干火腿无花果坚果沙津配和风柚子汁 $108少少咸嘅火腿同完熟嘅无花果非常夹，加埋和风柚子汁，令人胃口大开，即刻ready好食下一度菜，推介之选。意式鲜茄露笋蟹肉意大利饭 $138睇得到嘅蟹肉加丰厚嘅酱汁，份量适中，因为加有蕃茄带少少酸，所以唔会食完好滞。安格斯至尊薄饼 $188饼皮厚咗少少，口感比较韧，面料都几丰富，牛系肉碎状，如果系肉粒，口感会较好。焗开心果脆皮羊架配番薯条 $348个面舖开心果碎，但因为捞埋太多盐，所以太咸盖过咗开心果嘅坚果香味，羊嘅肉质好淋，无乜膻味，放凉咗都无影响口感，而配衬嘅藩薯条，如果可以切粗d，会再好味d。