正九清湯腩 (砵崙樓)

营业中

休息中

喺旺角经常会经过呢间清汤腩，今日终于入去帮衬吓，店舖唔算大，坐位又唔会好逼，未入去已闻到好香牛肉味，店员招呼落单，叫咗清汤牛腩捞面升级崩沙腩，清汤牛三宝汤河，净菜肉云吞，蚝油芥兰，咖啡同奶茶，下午茶时间送饮品。清汤崩沙腩捞面，份量好多好大碟，少少脂肪嘅牛腩有一层筋膜，正宗崩沙腩好入味，牛腩软腍筋膜有少少弹牙，幼面啱啱好。清汤牛三宝河，有牛腩、牛筋同金钱牛肚，牛腩够腍入味，牛筋有少少弹满满胶原，牛肚爽弹，各样都食到浓郁牛味。净菜肉云吞好滑，馅料丰满， 充满猪肉同菜粒，肉味浓。蚝油芥兰刚刚好，保持翠绿爽脆，蚝油唔会太咸。咖啡奶茶都唔错，价钱合理。