影片
更多
2023-10-16
399 浏览
之前同老公黎过呢条街食嘢，走嘅时候就发现有间居酒屋，老公话下次要食呢间，所以今日去开荃湾就顺便过黎食饭。入到去就已经觉得好热闹，好多人，同埋充满日本居酒屋feel。无论装修、墙上海报同播嘅歌，全部都充斥住昭和年代。餐牌几多嘢食，老公发办叫左小食、串炸、烧物、锅物同两杯酒。烟熏猪干：口感好蓉，味道咸咸地，少少咁食，送酒一流。鳕鱼白子(半份)：口感细滑软软，味道浓，都系送酒之选。鸡皮饺子：炸过外皮酥脆，里面胀卜卜，软嫩多汁，鸡皮油香十足，味道刚好。海胆甲罗烧：海胆、蟹肉同蟹膏味道好浓，配埋蟹籽咬落去好爆，加埋旁边饭团一齐食，真系好好食。烧鸡心喉管：鸡罕有部份，烧得刚刚好，有咬感，好香，OK㖞。串炸：有沙锥鱼两串，鹌鹑蛋、莲藕及三文鱼亲子各一串，呢度全部都系刚炸起，热辣辣，外层薄薄炸粉松脆，点埋旁边甜甜地烧汁几好味。辛味噌牛筋肉锅：牛筋份量多，炆到好淋，入味，里面有娃娃菜、大葱、韭菜、冬菇同日本粉丝等吸汁配料，越煮越浓味，辣味亦出左黎，整体唔错。饮品：叫左可乐highball同高知柚子，两杯酒味重，其中高知柚子甜甜地，似果汁，易入口，我就几钟意。
入到去就已经觉得好热闹，好多人，同埋充满日本居酒屋feel。无论装修、墙上海报同播嘅歌，全部都充斥住昭和年代。
餐牌几多嘢食，老公发办叫左小食、串炸、烧物、锅物同两杯酒。
烟熏猪干：口感好蓉，味道咸咸地，少少咁食，送酒一流。
鳕鱼白子(半份)：口感细滑软软，味道浓，都系送酒之选。
鸡皮饺子：炸过外皮酥脆，里面胀卜卜，软嫩多汁，鸡皮油香十足，味道刚好。
海胆甲罗烧：海胆、蟹肉同蟹膏味道好浓，配埋蟹籽咬落去好爆，加埋旁边饭团一齐食，真系好好食。
烧鸡心喉管：鸡罕有部份，烧得刚刚好，有咬感，好香，OK㖞。
串炸：有沙锥鱼两串，鹌鹑蛋、莲藕及三文鱼亲子各一串，呢度全部都系刚炸起，热辣辣，外层薄薄炸粉松脆，点埋旁边甜甜地烧汁几好味。
辛味噌牛筋肉锅：牛筋份量多，炆到好淋，入味，里面有娃娃菜、大葱、韭菜、冬菇同日本粉丝等吸汁配料，越煮越浓味，辣味亦出左黎，整体唔错。
饮品：叫左可乐highball同高知柚子，两杯酒味重，其中高知柚子甜甜地，似果汁，易入口，我就几钟意。
张贴
