影片
更多
2011-11-15
264 浏览
朋友仔差不了要出国留学，咁当然要食餐最后的晚餐啦 ~ 麦小姐仲未到架，依然离我多么远啊，饿到我手软脚软喇 ﹗无食 lunch 再加上刚操完泰拳啊。年几两年无黎帮衬，全新装修，座位多左，但地方细左，比人感觉有点窄、有点焗束，以前坐得舒服好多，开掦又宽倘。以枝豆作为小食，朋友仔唔喜欢枝豆，好快就比我食晒咯，等野食无野做麻。糊麻酱鲜茄蕃沙律，好钟意糊麻酱既香味同酸甜味道，配新鲜蔬菜好醒胃。鹅肝蒸蛋，鹅肝油润、蒸蛋清甜又滑溜，味浓带上汤味道。活青龙虾，依然好生猛札札跳，所以师父煎既时候要好大力按实佢地，如果唔系，都唔知飞左去边 ﹗按实龙虾煎到直至佢地无再争札既时候就可以拆肉喇。龙虾膏全部攞出备用，一阵用黎做个芡汁既。只只龙虾都劲多膏架 ﹗橙红色既虾膏，好期待。煎香龙虾头备用，一阵攞去厨房做汤用架。龙虾煎到差不多熟，就会散上烈酒，用熊熊烈火使佢地既肉质更加收紧弹牙 ﹗香煎龙虾球，八九成熟劲爽口，龙虾味浓，好鲜甜，芡汁好香虾膏牛油蒜容味，刚好又不太呛，very good ﹗蒜蓉牛油活鲍鱼，好生猛即㓥即煎，鲜甜弹牙，正 ﹗鹅肝多士，先将法包压扁放系铁板上烤脆 ，新做法㖞。但我较喜欢旧煮法多啲，鹅肝放
年几两年无黎帮衬，全新装修，座位多左，但地方细左，比人感觉有点窄、有点焗束，以前坐得舒服好多，开掦又宽倘。以枝豆作为小食，朋友仔唔喜欢枝豆，好快就比我食晒咯，等野食无野做麻。
糊麻酱鲜茄蕃沙律，好钟意糊麻酱既香味同酸甜味道，配新鲜蔬菜好醒胃。
鹅肝蒸蛋，鹅肝油润、蒸蛋清甜又滑溜，味浓带上汤味道。
活青龙虾，依然好生猛札札跳，所以师父煎既时候要好大力按实佢地，如果唔系，都唔知飞左去边 ﹗按实龙虾煎到直至佢地无再争札既时候就可以拆肉喇。龙虾膏全部攞出备用，一阵用黎做个芡汁既。只只龙虾都劲多膏架 ﹗橙红色既虾膏，好期待。煎香龙虾头备用，一阵攞去厨房做汤用架。龙虾煎到差不多熟，就会散上烈酒，用熊熊烈火使佢地既肉质更加收紧弹牙 ﹗香煎龙虾球，八九成熟劲爽口，龙虾味浓，好鲜甜，芡汁好香虾膏牛油蒜容味，刚好又不太呛，very good ﹗
蒜蓉牛油活鲍鱼，好生猛即㓥即煎，鲜甜弹牙，正 ﹗
鹅肝多士，先将法包压扁放系铁板上烤脆 ，新做法㖞。但我较喜欢旧煮法多啲，鹅肝放系略烤过既法包上面，口感会丰富啲又无咁油腻。鹅肝都算煎得外脆肉嫩，但只系瘦左少少，唔系肥美，鹅肝味唔够浓郁。
龙虾昆布豆腐蚬清汤，以前系做面豉汤的，我较喜歚后者既浓郁香甜。今次既清汤强差人意，都好淡口既，有少少龙虾味同味噌味，无喇。用黎清清清刚才既油腻，还可以啦。
涮雪场蟹刺生，真系恭候多时呀 ﹗侍应妹妹刚才话只蟹刚落机，运送途中。六点几等到依家七点半先返到黎架 ﹗新鲜度就唔洗讲啦 ﹗涮雪场蟹刺生，两条腿多谢 HKD400 啦 ﹗刚到步超级新鲜，冰镇温度刚好，唔会太暖或太冻而影响口感同味道。鲜到不得了，天然淡淡海水味，肉质嫰滑无比又富弹性，并且充满水份，啖啖肉 ﹗两条点够喉呀 ﹗极品，必食、无得弹 ﹗
A5 日本和牛，依度既顶级，当钱要加钱啦。先用牛脂肪垫底黎煎，另佢熔化后慢慢渗入牛肉，使其牛味更浓更香更滑。落啲烈酒抢抢火，猛火灼一灼，可以令到和牛更香口、肉质收紧、口感更滑更细致。炸蒜片 A5 日本和牛，加钱升级到 A5。最爱 3 成熟，肥美滑溜软棉棉，really good ﹗遗憾地日本和牛本身牛味较淡。可配蒜片同吃，好香口惹味，使到牛肉味道不会太单调。
蒜容脆肉瓜，鲜甜爽口充满水份，炒得够热，清甜既脆肉瓜配上浓郁惹味既蒜蓉，既特别又好味 ﹗
樱花虾墨鱼籽肉粒炒饭，每一次最尾个炒饭都好难食，因为要砌公仔氹食客开心麻 ﹗搞到食材既份量同配搭都乱咁黎，味道及口感都非常古怪，上次炒到干争争、今次炒到湿淋淋，总知就系难食啦。
樱花大吟酿，我系要 HKD500 𠮶支呀，产地唔同架，依支只系 HKD200，我都无留意比错左我添，带甜味既清酒易入口。
张贴
