影片
更多
2021-05-13
504 浏览
⭐️ 呢餐系：「好多改善空间但都仲摆得落口」嘅一餐红磡住宅区黎讲，其实都算好多野食，好多小店！今日食呢间出名食阔面嘅日式餐厅～🍤睦月天丼定食 $78见佢menu第一页有推介，加落单字又highlight咗咁就嗌咗。有两只虾，菜就各一，有秋葵，茄子，南瓜同蕃薯。唔知大家有冇听过，其实天妇罗系「蒸」而唔系炸。利用粉浆黎保护入面嘅食材，在食材系唔会接触到油嘅情况下用油温黎蒸熟啲天妇罗。咁样做嘅天妇罗就会可以保持到食材嘅水分，食落都唔会好重油腻感。今日啲天妇罗就做唔到呢个效果啦🙅🏻♀️ 上粉浆时冇确保啲食材真系360度有粉浆就落镬。食落成口油，冇天妇罗应有嘅脆，仲要炸到只虾甩皮甩骨咁🥺 虽然唔系贵食材，但系只虾本身都重虾味，都ok架！饭嘅份量就略少，男仔应该就食唔饱🤰🏻自己觉得𠮶汁就甜得济，怪怪地咁🥵🦐吉列虾瀑布阔面 $68难得黎朝圣，点可以唔试下瀑布面呢😛 吉列虾就普通货色，似急冻买返屋企可以直接dum入气炸锅𠮶啲。汤底偏淡，认真饮先饮得出系鲣鱼汤底（应该，其实都唔系好确定），但系感觉唔系自己熬，似汤包或粉沟多啲🥶。味道同平时𠮶只腐皮乌冬汤底一样😅 瀑布面面粉味好重，口感硬得黎冇乜咬口。个人钟
红磡住宅区黎讲，其实都算好多野食，好多小店！今日食呢间出名食阔面嘅日式餐厅～
🍤睦月天丼定食 $78
见佢menu第一页有推介，加落单字又highlight咗咁就嗌咗。有两只虾，菜就各一，有秋葵，茄子，南瓜同蕃薯。唔知大家有冇听过，其实天妇罗系「蒸」而唔系炸。利用粉浆黎保护入面嘅食材，在食材系唔会接触到油嘅情况下用油温黎蒸熟啲天妇罗。咁样做嘅天妇罗就会可以保持到食材嘅水分，食落都唔会好重油腻感。今日啲天妇罗就做唔到呢个效果啦🙅🏻♀️ 上粉浆时冇确保啲食材真系360度有粉浆就落镬。食落成口油，冇天妇罗应有嘅脆，仲要炸到只虾甩皮甩骨咁🥺 虽然唔系贵食材，但系只虾本身都重虾味，都ok架！
饭嘅份量就略少，男仔应该就食唔饱🤰🏻自己觉得𠮶汁就甜得济，怪怪地咁🥵
🦐吉列虾瀑布阔面 $68
难得黎朝圣，点可以唔试下瀑布面呢😛 吉列虾就普通货色，似急冻买返屋企可以直接dum入气炸锅𠮶啲。汤底偏淡，认真饮先饮得出系鲣鱼汤底（应该，其实都唔系好确定），但系感觉唔系自己熬，似汤包或粉沟多啲🥶。味道同平时𠮶只腐皮乌冬汤底一样😅 瀑布面面粉味好重，口感硬得黎冇乜咬口。个人钟意食啲烟韧少少嘅面或乌冬所以就有少少失望啦🥲
🥣定食套餐
定食本身仲包埋一罐汽水，一碗面豉汤同买3款前菜。汽水有得拣日本苏打汽水👍🏻 面豉汤都中规中矩，同平时𠮶啲一样都好咸。前菜好似就每日都唔一样，今日有中华沙律，腌洋葱，同埋腌萝卜。个人唔系太好呢啲所以就俾咗朋友食啦～
环境质素：🌕🌕🌖🌑🌑
食物质素：🌕🌕🌗🌑🌑
CP值：🌕🌕🌗🌑🌑
回头指数：🌕🌕🌑🌑🌑
呢个价钱食到日本野其实都算平，但真系会一分钱一分货。如果真系好想试瀑布面，或者钟意面粉味重都可以一试。但我自己就觉得可一不可再啦。红磡都仲有好多其他日式料理，自己就应该都会拣其他。上面写嘅价钱系原价，poly学生有9折喔💥
张贴
