Kampoeng

营业中

休息中

怀念姐姐煮饭俾我哋食嘅味道，平时喺铜锣湾成日都会经过门口，但我一直都以为只系买啲印尼哈片小食，直至一次有个姐姐介绍我入去食话好好味。平时晚上人流唔多，但我姐姐话一到星期日就会全场爆满，家乡风味咁话㖞！因为而家冇姐姐煮饭所以我都去怀念一下，价钱都几抵食。我哋叫咗个二人餐都系 $308，已经食到超饱。虽然系食马来西亚野，但系都有冬阴公汤饮，仲要味道好 Thai，汤头很浓厚。前菜我就要左个小食拼盘，实在好丰富。沙嗲串烧有牛肉同埋鸡肉，个人口味今次比较钟意鸡肉因为够晒嫩滑。当中嘅印尼虾片更加系画龙点睛。仲有春卷生菜包，又爽又脆！减轻整体油腻感！主食嘅巴东牛肉，真系估佢唔到咁好食！浓郁嘅牛肉香味，配合精选特色香料 炆煮而成，入味而且口感软腍。鲜杂菌炒金边粉比较干身。虾酱通菜，翠绿惹味，重口味之选！跟餐仲有饮品添我要左杯奶茶，茶味香浓而且够晒滑。口感仲有啲似马来西亚好出名嘅拉茶。店里员工服务贴心而且态度很亲切。面上常挂笑容有礼貌。