焱丸水產

营业中

休息中

又好挂住日本，所以又系时间揾啲日式料理去舒解一下依个思乡病。今日就去咗尖沙咀棉登𠇹出名嘅焱丸水产。餐厅嘅装修同布置都充满日本居酒屋嘅风味，除咗语言唔系日文之外，其余嘅环境气氛都令你有置身日本居酒屋嘅感觉。去居酒屋食嘢，当先点饮品啦。极上绿茶好清新绿茶味，虽然系烧酌，但一啲都唔会觉得好重酒味。白桃梳打就好香桃味同好够气。食日本野，寿司刺身系必然的吧。刺身三盛分别有油甘鱼，三文鱼同带子。每款刺身都好厚切。焱丸号寿司最吸引嘅系多到满泻嘅配料。蟹肉、吞拿鱼蓉、三文鱼籽、海胆、蛋丝等等，将三只军舰收到密一密，既震撼又满足。另外再叫多个三文鱼牛油果油砟渍，三文鱼同牛油果好夹，配埋个汁，非常之开胃。蟹肉玉子烧混有昆布，令成个玉子烧嘅味道提升咗好多，食嘅嘢再喺面头放上蟹肉，超正。网烧就先点咗三文鱼籽帆立贝壳烧、酱油木鱼帆立贝壳烧同鲍鱼网烧。网烧全程有店员帮手，坐低等食就得喇。三文鱼籽帆立贝壳烧好鲜甜美味，而酱油木鱼帆立贝壳烧就非常之香浓嘅木鱼味。鲍鱼非常生猛，上嚟果阵仲郁下郁下。既然有得网烧，当然要叫埋甲罗烧啦。 蟹味噌甲罗烧就好香浓强烈嘅味噌味，至于黑松露蟹肉甲罗烧，估唔到黑松露同蟹肉都几夹。最后嚟