劉興記生煎包專門店

营业中

休息中

唔明白套餐价钱贵过单点？另外，真心要改善落单上菜嘅问题，超码俾块号码牌唔使咁混乱！本身睇reels期望好高，望到啲食物好吸引！但去到发现嘢食大部分用胶兜盛装，有少少失色，感觉好似俾个位你食外卖咁！麻酱手撕鸡粉皮+生煎包2个青瓜份量唔算多，但其他材料更寥寥可数！呢个餐真心唔抵食！蟹黄生煎包两款生煎包其实都好味嘅，一咬真系会爆哂啲汁出嚟。但汤汁嘅热度完全唔够，失望！蟹黄拌面唔知系咪未到蟹嘅季节，蟹膏颜色唔金黄，但蟹膏蟹肉份量算颇多。而且面条有阵阵嘅葱油香，虽然卖相麻麻唔吸引，但食落唔错，蟹香味十足。百步香葱油饼酥皮少厚，但胜在够哂热辣辣，葱油味好香，而且几浓味，算唔错。