The Pearl

2024一开始就病咗两个星期，好返之后一于去食返餐好嘅慰藉吓自己！嚟到呢间酒店餐厅，以黑色为主调，好有气氛；菜式亦好精致，非常吸引。 无花果帕马火腿沙律有整块嘅帕马火腿，一啲都唔吝啬。巴马臣芝士同松子仁几香口，用无花果配衬好清甜。 吞拿鱼牛油果泡沫他他配自制罗勒油好惊艳！牛油果酱好棉密，但冇牛油果𠮶种草青味同饱腻感。自制罗勒油令吞拿鱼口感更滑，油脂味香。 和风酱油大虾烟肉扁意粉扁意粉好弹牙，用和风酱嚟做意粉酱汁，酸酸甜甜好开胃，加埋烟肉增加口感层次。 香煎牛封门柳牛柳超嫩滑！唔洗太多调味反而突出到牛柳肉香；点较浓味嘅青酱就有另一番风味。 Passionate Night / Rosy RomancePassionate Night系葡萄汁入面加咗热情果糖浆，口腔充满热带水果嘅香味。另一款mocktail Rosy Romance就系玫瑰冷泡茶，鲜苹果汁同蜜糖，相对之下就比较甜。