華園餃子館

营业中

休息中

之前曾经因为米芝莲到过北角阿鸿小食，试过一款芥抹鸡脚筋，做法特别个味道麻麻，今天与朋友到宠物街胜利道，路过一间饺子店，发现有款叫酒醉鸡脚筋的小食，于是入去试试。座低后发现原来间舖虽然细，但食物有好多选择，首先点了酒醉鸡脚筋，然后加两个酸辣汤，一牒羊肉酥饼，再加个十三么饺子及一个鲜茄饺子。先试鸡脚筋，相信绝对比用芥抹做好得多，酒味十分浓，咬落弹牙，非常好。然后试个酸辣汤，比一般所谓的上海舖做得出色，用料多兼酸辣比例啱啱好。跟住试个羊肉酥饼，因即叫即整，上枱时还是热辣辣，最啱呢种咁冻既天气试，朋友不大喜欢食羊，试过后亦觉得好味，不太酥，不食羊的人亦可以接受。最后试饺子，太多款关系，已经不记得边款打边款，不过可以食得出唔同味道，啱想试新嘢既朋友。另多再加的鲜茄饺子，虽然清淡，但原来番茄做既饺子又几好味，于是临走时加咗外卖买俾屋介人试。因为唔多好意思影相，所以无相俾各位睇。不过下星期会去试多次，因为问过老板娘，原来佢地都有款面同阿鸿小食既虾籽捞面差唔多，不过用既虾籽正好多，因为食次已经试得太多嘢，所以留番下次再试。呢餐价钱虽然贵，但以呢个区啲舖租嚟讲亦自合理，值得推介。