海悠

营业中

休息中

喺启德𠮶边商场行完街，唔知食咩好跟住醒起之前mark低咗呢一间个炸子鸡，咁就同两老一齐过嚟食晚饭。表示坐落嘅时候佢话炸子鸡已经沽清系有少少失望，但坐落咗又费事叫两老动身咁就继续嗌嘢食啦。嘢食味道先讲一讲个环境，头顶个冷气机系咁滴水成晚系咁避无可避。个鸡软骨都几油，个牛肋条超多汁谂住好好送饭，点知夹上一旧嘅时候系冻嘅，同个侍应讲，个侍应就拎咗入厨房隔咗几套𩠌先至再拎返出嚟，今次啲汁就少咗，但系都系常温，好大机会都系用微波炉叮一叮去就算。炒饭系冇味嘅，个炒粉丝上边啲蟹肉碎超腥。因为冇炸子鸡，咁就嗌咗佢个霸王鸡，个霸王鸡都系冇味。个西兰花华金沙炒，但个蛋黄酱系甜嘅，我完全理解唔到点解个咸蛋黄系咁甜。成晚剩系得一个乳鸽尚算可以，但系如果净系靠炸子鸡一味，应该好难留得住食客嘅心。同埋两个侍应一个有心做，另一个就飞碟，如果有幸该店老板见到呢个食评都希望佢认真了解如何改善。