影片
更多
2014-12-31
324 浏览
新加坡过江龙「莆田」以卖福建莆田菜为主，今年7月先落户晌利舞台，估唔到事隔5个月，就再晌荷里活广场扩展版图。12月13日仲搞咗个「手工制作示范暨公众试吃日」，一连几场招待公众人士，完全免费，无任何附带条件，唔使买乜买物，实行让大家齐享美味福建菜，真心有福同享。店内嘅环境骨子古雅，薄荷绿衬白，啡白格仔地砖，假百页窗，都有种复古风。有圆枱、方枱、梳化卡位，编排都唔算密，所以，感觉悠然自得。除咗喺试食日，亦喺店方嘅「世界最大燕皮（扁肉皮）」挑战「健力士世界纪录」发布会，所以，为隆重其事，诚邀方培清师傅示范擀制燕皮，当日就有幸一睹大师嘅传统手艺，果然手工熟练，叹为观止。有关「莆田」嘅故事就唔再多讲，有兴趣可以睇睇小弟之前晌利舞台店嘅食文分享（http://garycwm.blogspot.hk/2014/07/putien.html），跟住落嚟就跟大家分享当日部份美食。虾苗伴紫菜软软潺潺嘅紫菜，莆田特产，采割头一朕长成嘅紫菜，产量少，营养高，鲜嫩有咬口；伴上虾苗，衬以香醋，酸香醒胃！冰浸苦瓜不愧刀工幼细，碧绿嘅苦瓜切得薄透，沾蜜糖食，清甜中有回甘，而苦瓜口感爽脆凉快。土笋冻上次食土笋冻都无乜难
店内嘅环境骨子古雅，薄荷绿衬白，啡白格仔地砖，假百页窗，都有种复古风。有圆枱、方枱、梳化卡位，编排都唔算密，所以，感觉悠然自得。
除咗喺试食日，亦喺店方嘅「世界最大燕皮（扁肉皮）」挑战「健力士世界纪录」发布会，所以，为隆重其事，诚邀方培清师傅示范擀制燕皮，当日就有幸一睹大师嘅传统手艺，果然手工熟练，叹为观止。
有关「莆田」嘅故事就唔再多讲，有兴趣可以睇睇小弟之前晌利舞台店嘅食文分享（http://garycwm.blogspot.hk/2014/07/putien.html），跟住落嚟就跟大家分享当日部份美食。虾苗伴紫菜
软软潺潺嘅紫菜，莆田特产，采割头一朕长成嘅紫菜，产量少，营养高，鲜嫩有咬口；伴上虾苗，衬以香醋，酸香醒胃！
虾苗伴紫菜
53 浏览
1 赞好
0 留言
不愧刀工幼细，碧绿嘅苦瓜切得薄透，沾蜜糖食，清甜中有回甘，而苦瓜口感爽脆凉快。
冰浸苦瓜
63 浏览
1 赞好
0 留言
上次食土笋冻都无乜难度，今次再遇，当然无咩问题啦。其实对昆虫食物一向有戒心，灼沙虫算喺个别嘅例外，主因都喺灼完出嚟个样无咁核突，入口烟烟韧韧似食海蜇咁，加上汤冻爽爽滑滑，所以，卖相、口感都无咁吓人。
土笋冻
102 浏览
2 赞好
0 留言
有无「九转」就无数，但一望就知一圈又一圈卷成，极具层次。因为卤得入味，不过，觉得今次去肥膏无上次做得咁彻底，但食落仍然唔会有臭味，而口感软腍，又喺一道手工菜。
九转小肠
59 浏览
1 赞好
0 留言
自制滑豆腐因为试食关系，几个人分享小小一碟，但都够晒滋味。外观跟广东菜嘅红烧豆腐差无几，豆腐的确嫩滑富豆香，不愧自家制，无用来货。配以厚肉嘅冬菇及清甜嘅蜜糖豆，稍嫌个蚝油茨浓咗少少，觉得会影响个豆味突出性。
自制滑豆腐
49 浏览
2 赞好
0 留言
好怀念个燘黄瓜鱼（黄花鱼），虽然小弟未算鱼痴，但以自创2.5分钟快速蒸煮法，只落姜葱、海盐，再无其他添加，鱼肉真喺嫩而超滑，啖啖鱼鲜味，但温馨提示就喺骨多，要小心。
原味燘黄瓜鱼
94 浏览
3 赞好
0 留言
既然要以燕皮挑战健力士世界纪录，今日试菜又岂可无「莆田扁肉汤」呀！偏肉喺一啲细细粒嘅福州燕皮饺，燕皮喺揾猪肉擀制，好讲功夫同耐性，汤头清而鲜，扁肉入口滑溜而有韧劲，颇有特色。
莆田扁肉汤
54 浏览
3 赞好
0 留言
兴化米粉试食版当然细份少少，但味道不俗，尤其米粉个口感，真喺超幼细，有啲似食银丝米粉咁，最好就喺炒得爽身不糊口。此外，米粉内有唔少海鲜，如鲜虾、蚬肉，又加入唔少配料，如紫菜、花生、西芹等等，认真丰富。
兴化米粉
86 浏览
3 赞好
0 留言
张贴
