漁火海鮮刺身火鍋

营业中

休息中

今日来到一间位于铜锣湾嘅楼上火锅餐厅，一坐低发现餐牌菜式选择有好多，最吸引嘅系有益又滋补嘅火锅汤底，返咗啲时间睇晒个餐牌，最终拣咗「花胶响螺炖赤肉汤」，店员细心地为我哋介绍建议食法，首先系饮汤，第一碗汤系最浓郁，最原汁原味，余下嘅汤会继续留喺煲入边，直到你示意，店员就会帮你再加上清汤，接着就开始打边炉，逐一加入火锅配料，慢慢煮，慢慢食。火锅开始之前，嚟一碟小食「新鲜炸鱼片头」，即叫即炸，炸到外脆内软，鱼肉爽口弹牙，热辣辣，新鲜又好食。火锅配料选择有好多，我哋拣咗新鲜嘅「脆肉鲩鱼片」、「新鲜蛏子皇」、「手工切牛颈脊好滑」、「特色四色手打丸」（包含猪肉丸、虾丸、墨鱼丸等等）、自家制「即炸响铃」，店员教我哋烹调呢款响铃，只需要煮3秒，入口依然脆卜卜，好香鸡蛋味，又唔会太油腻。超好食，所以两个人食得晒成碟，我都觉得自己好厉害，食力惊人。饮品有新鲜「竹蔗茅根水」，清心清热又解渴，好钟意。整体食材质素极高，价钱合理，非常推介。