班蘭葉印尼餐廳

营业中

休息中

今日想食啲唔同啲嘅嘢，所以机缘巧合下揾到呢间印尼餐厅。其实我都唔系好熟印尼菜，因为都冇乜机会食，所以就叫店员推介俾我。店员都系印尼人，识讲广东话。佢哋推介左几款俾我，最后我想食饭，所以就嗌咗呢个啦斯啦妈斑兰饭。嚟到嘅时候非常之有惊喜，首先佢个摆盘已经好靓，同埋佢餐牌上面冇写其实系啲咩嚟嘅，嚟到嘅时候见到又有炸鸡、豆腐、蛋、花生咸鱼仔、辣椒咸鱼仔等等，同埋𠮶个非常之靓嘅斑兰尖饭，首先视觉上已经满足咗😍首先我试咗佢个炸鸡，入边仲有肉汁，出边又炸到好脆，所以个质素好好。另外个班兰饭都好有惊喜，真系每一啖都有班兰味😆夹埋花生同咸鱼仔食真系好正。不过如果唔系太食得辣嘅话，建议就唔好夹埋个辣椒咸鱼仔食，因为真系辣到飞起😂😂😂（利申我唔系好食得辣）嘢饮我嗌咗个黑糯米特饮，佢黑糯米嘅量非常足料，再加埋本身佢落咗啲奶，杯嘢饮非常之香。有奶香又有米香，推荐大家试吓☺️