貴緣小鍋米線 (和富)

营业中

休息中

之前在旧舖有帮衬过，觉得几好味服务又几好，但早前经过见佢执咗都觉得可惜. 但原来佢哋在北角开了，去开果头当然要回味吓. 新舖比旧舖宽躺，在商场内环境格局都比之前舒适. 今次叫咗招牌酸辣汤米线，选了中小辣，特浓新鲜蕃茄汤红薯粉，配料大推冬菇皇，大大旧，软身而且好入味，咬落去好多汁，真心正👍🏻.卤水鸡翼亦都卤到好入味，感受到有花时间去制作食材.萝卜清甜无渣，大大旧绝不孤寒. 蕃茄汤茄味浓郁，唔使好杰身但也有丰富浓郁蕃茄味，而且有好多蕃茄，成个汤充满维生素C，健康又好味. 另外叫咗碟菜心、蒜泥白肉、重庆口水鸡翼及椰青水，菜心爽口脆绿，蒜泥白肉微辣蒜味惹味，重庆口水鸡翼系冷盘来，肉嘅质感有啲似醉鸡，辣味出. 最后饮啖凉浸浸嘅椰青水，中和辣味，成件事好满足.