影片
更多
2025-01-06
280 浏览
铜锣湾既Tower 535近年都开左好多新餐厅同café，最近就同朋友去左其中一间【Lounge Hakuba】食dinner，夜晚主打日式fushion居酒屋。见到二人前套餐好抵、就叫左啦，total有十一品，食物种类同数量都几多。前菜—芥辣八爪鱼、炙烧北海道帆立贝、炙烧三文鱼：芥辣八爪鱼唔会好辣、反而好惹味，北海道帆立贝同三文鱼炙烧左好香口、三文鱼油脂味好香。串烧—溏心蛋豚肉卷、紫苏鸡腿肉、明太子山药、金菇肥牛卷：全部都新鲜烧、溏心蛋豚肉卷非常流心、豚肉既酱汁甜甜地、同流心蛋好match。紫苏鸡腿肉紫苏味唔算太重、但都好juicy。明太子山药非常爽脆、明太子少少微辣。金菇肥牛卷比较逊色、金菇有D靭。小菜—唐扬炸豆腐、甜甜辣辣炸鸡：呢两样个人都非常推荐、唐扬炸豆腐外脆内软、吸收晒D汤汁好正。甜甜辣辣炸鸡有少少韩式辣酱feel，就算加左酱个皮都好脆。太卷—寿喜烧牛肉、牛油果忌廉芝士：寿喜烧牛肉比较惹味、加左腌萝卜可以解腻。而牛油果控既我更加钟意牛油果忌廉芝士，非常清新。主食—寿喜烧牛肉乌冬：新鲜整起非常热辣辣。乌冬吸收晒D寿喜烧汤汁、而汤汁比较甜口。牛肉非常软霖、再加上温泉蛋非常cre
前菜—芥辣八爪鱼、炙烧北海道帆立贝、炙烧三文鱼：芥辣八爪鱼唔会好辣、反而好惹味，北海道帆立贝同三文鱼炙烧左好香口、三文鱼油脂味好香。
串烧—溏心蛋豚肉卷、紫苏鸡腿肉、明太子山药、金菇肥牛卷：全部都新鲜烧、溏心蛋豚肉卷非常流心、豚肉既酱汁甜甜地、同流心蛋好match。紫苏鸡腿肉紫苏味唔算太重、但都好juicy。明太子山药非常爽脆、明太子少少微辣。金菇肥牛卷比较逊色、金菇有D靭。
小菜—唐扬炸豆腐、甜甜辣辣炸鸡：呢两样个人都非常推荐、唐扬炸豆腐外脆内软、吸收晒D汤汁好正。甜甜辣辣炸鸡有少少韩式辣酱feel，就算加左酱个皮都好脆。
太卷—寿喜烧牛肉、牛油果忌廉芝士：寿喜烧牛肉比较惹味、加左腌萝卜可以解腻。而牛油果控既我更加钟意牛油果忌廉芝士，非常清新。
主食—寿喜烧牛肉乌冬：新鲜整起非常热辣辣。乌冬吸收晒D寿喜烧汤汁、而汤汁比较甜口。牛肉非常软霖、再加上温泉蛋非常creamy。
甜品—吉士鲷鱼烧：吉士鲷鱼烧外脆内软、唔会太甜。另外仲有抹茶雪糕、红豆同啫喱。
樱Sakura Blessing：全部cocktail都系日本风，如果心大心细仲有得dum骰仔决定。基本上无酒味、gin加上樱花糖浆，非常少女心。
山Wachini：主要系wasabi同青瓜味再加上gin，非常清新、酒味唔浓、而且个人觉得有少少紫苏味。
张贴
